2023/05/14

2023-05-14 Zumarragako Eitzagako jaietan kantujira



Beste behin ere Eitza auzoa bisitatzeko eskatu digute.
Zeruari begira ibili gara egun osoan eta arratsaldean halako lehio bat ireki da eta zorionez ateri izan dugu saioan zehar.
Lagun zahar asko izan ditugu ondoan eta ederki ibili gara auzoan gora eta behera.
Jaiak bukatu dira eta datorren urtekoetarako gogoa piztu zaio bat baina gehiagori.
Etorriko dira eta bitartean segi horrela lanean auzoari bizia emanez!!!!!

Aurreko urteetako berriak: 2022, 2019, 2009

 Eguneko argazkiak ikusteko klik hemen 

 Eguneko bideo bat:



Argitaratutako ordua 23:11
Gehiago...

2023/05/06

2023-05-06 Getarian antxua eguna

 

Getariara lehen bisita egin genuela pasa dira urte batzuk. 

Beti tratatu izan gaituzte oso ondo. Jator. Plazerra izaten da bertara joatea eta aurten ere halaxe izan da.

Uda zirudien eguraldia topatu genuen eta kalean ibiltzeko aitzakiarik gabeko giroa izan genuen.

Lagun ugari izan genuen inguruan eta gozatu ederra hartu genuen.

Bukaeran antxoa platerkada gorde ziguten. Zer gehiago nahi dugu?

Igandean arrantzale eguna dute. Ondo pasa lagunok!!!

Aurreko urteetako berriak: 2022-2, 2022-1,  2019, 2018, 2016, 2015, 2014, 2014ko euskal jaia, 2008

Eguneko argazkiak ikusteko klik hemen

Eguneko bideo bat:




Argitaratutako ordua 08:52
Gehiago...

2023/05/03

2023-05-02 Legazpin Santikutzetan kantujira

 

2023an ere Legazpin izan gara kantujiran. Urteak badira lehen aldiz joan ginenetik eta beti, harrera beroa jaso izan dugula esan beharra daukagu.
Aurten ere hala izan da. Danborradaren aurretik saioa egin behar izan dugu eta jendea motorrak berotzen ari zela nabarmena zen
Eguraldiak aitzakiarik ez zuen, eguzki ederra eta kalean ibiltzeko giro paregabea.
Adin eta kolore guztitako jendea izan dugu aldamenean eta ederki pasa dugu oraingoan ere.
Hurrengo batean gehiago lagunok!

Aurreko urteetako berriak: 2022, 2019, 2015, 2014, 2013, 2012

Eguneko argazkiak ikusteko klik hemen

Eguneko bideo bat:



Argitaratutako ordua 07:14
Gehiago...

2023/05/01

2023-04-29 Astigarragan kantujira

 

2022an izan ginen lehen aldiz Astigarragan kantujiran, eta aurten errepikatzeko zoria izan dugu. Joan den apirilaren 29an alegia.

Ergobian elkartu ginenean euriaren mehatxu haundia genuen. Ondo kantatuko zuten astigartarrek, ez baitzuen gehiago egin.

Kalera joan eta geldialdiz geldialdi ahots gozo askoren laguntza izan genuen.

Ederra egurdi partean izan genuen giroa eta baita bazkalondoren izan genuena.

Errepikatzeko modukoa.

Eskerrik asko Aiztondo abesbatzako lagunei halako ondo zaintzen gaituztelako. Segi horrela!!!!!

Aurreko urteetako berriak: 2022

Eguneko argazkiak ikusteko klik hemen

Eguneko bideo bat

Argitaratutako ordua 21:58
Gehiago...
Harpidetu honetara: Mezuak (Atom)