Abenduaren 22an Arrasaten egoteko aukera izan genuen. Iritsi eta indarrak hartu genituen Arrasate tabernan. Ederki gosaldu genuen eta ordurako baten batek poltsikoa bero- bero izango zuen kalean. Gabonetako loteriak San Andres auzoan utzi zuen sari potoloa eta bat baina gehiagori azken boladako penak uxatuko zitzaizkion.
Jende uholdea kalean zebilen eta gu uholde horren erdira arrimatu ginen.

Lehen saioa plazan eta ondoren elizaren atariaren ondoan. Bertan, behin gertatu ez zitzaiguna gertatu zitzaigun. Joaldunak batera eta bestera zebiltzala haien bisita izan genuen. Beraien erritmora moldatu eta aurrera segi genuen.

Kaleko giroan mugildu ginen eta ederki pasa genuen 14:30ak arte. Laguntza izan genuen uneoro eta bazkaltzera joan beharrak behartu gintuen bukatzera.

Polikiroldegian ederki bazkaldu eta bazkalondorenean jo genuen. Gure aurretik Inkansables txaranga, albokariak, trikitilariak eta dantzariak izan genituen. Egun polita pasa genuen!

Errepikatzeko modukoa!

Eguneko berriak: 2012, 2009, egitaraua,

Eguneko argazkiak:

Eguneko bideoak:

Aurten San Nikolas bezperan Orozkon egoteko parada izan genuen. 20:00etan plaza ilun eta goibel ikusten genuen. 3 ordu beranduago berriz argitxu eta zaratatsu.
Gure tamainako kantujira proposatu ziguten, hau da, herriko taberna bakoitzaren atarian edo barruan saiotxo bana egin eta orduan etxera. Horrela bada, gaueko 0:00ak eamn zigun akordatzerako. Guk badaezpada ere aurretik zerbait jan genuen baina gurekin fin-fin ibili zen bat baina gehiago afaldu gabe joan zen etxera.
Ez al duzue afaldu behar? galdetu eta erantzuna zera izan genuen. Bai!!! bihar.
Seinale ona!
Ederki pasa genuela esan eta gurekin egon zirenei eskerrak ematea besterik ez zaigu okurritzen.

Abendu hasierako data hauetan Mikel Laboa eta Xabier Lete oroitzea dakarkigu nahita nahi ez. Baina, baita euskararen eguna ez dela egun bakarra gogorarazteko ere, urteko egun guztiak behar dute euskararenak.

Beste bat arte Orozko!

Eguneko berriak: Orozkoko udala

Eguneko argazkiak:

2013koa azaroaren 30 honetan lehen aldiz bisitatu genuen Morgako herria. Askotan festa handien bila ibiltzen gara eta gauza erraldoiek betetzen dute jendea. Horiek ditugu gustuko.
Morgako lagunek 3 taberna eta koadrila eder bat ondo pasatzeko nahikoa dela erakutsi ziguten. Zapatua zen bai, baina tenperaturak etxean geratzeko gonbita egiten zuen. Poliki-poliki jendea inguratu zen eta denak taldean ibili ginen 3 tabernetan gora eta behera.
Ederki ibili ginen kantuan, edaten, jaten eta azkenerako dantzan ere bai!!!!
Pintxo-poteak ez dakigu nola funtzionatzen duen asteroko martxan, baina atzokoan giro ederra izan genuela esan behar dugu. Espero dugu gure artean ibili zirenek guk bezain oroitzapen ona izango dutela.

Eguneko argazkiak:



Eguneko bideoak:

Gutxitan tokatu izan zaigu Tolosaldean jotzea eta gaur Amezketa bisitatzeko aukera izan dugu. Koadrila polita inguratu da Tortila patata lehiaketara eta guk tortilarik probatu ez badugu ere postreen maila zein izan den esan genezake. Bikaina! Jan ditugun tarta, flan eta gainontzekoak ederrak zeuden!
Frontoian giroa pixkat berotzea lortu dugu eta ondoren sozidadean ahotsak. Gustura egon gara giro epelean kafetxoa hartu dugu eta kanturako aukera ederra izan dugu. Barrurako giro hobea bazegoen ere 18:00ak aldera kalera joan gara ateri baitzen. Ederki ibili gara, dantzan eta kantuan kaleko 3 taberna bisitatzeko aukera izanik.
Igande arratsalde ederra igaro dugu alajaina, eta gure errepertorioa ia-ia osorik jo dugula esan behar...
Hurrengo baterako kantu gehiago prestatu beharko ditugu, Amezketan baten bat ezin aseta utzi dugu eta...

Eguneko argazkiak:




Eguneko bideoak:

Aurten bederatzigarrenez Orioko Goiko-kalera gerturatu gara.
Hemen lagun giroa seguru izaten dugu, baina urtean behin bertaratzeak berrindartu egiten gaitu.
Urtetan antolatzaile mutil gutxi izan dira, eta baten batek aurten kale egin digula konturatu gara, baita gehitu den baten bat ere... Datorren urtean zerrenda pasako dugu eta han beharko duzue guztiok!!!!!
Kaleak kale, Goikokale da protagonista urteko sasoi honetan eta poliki-poliki konpontzen ari direla ere konturatu gara. Etxeak txukuntzen eta biziberritzea antzeman dugu urteen poderioz. Egunen batean Orioko erdigune bilakatuko dugu!!!
Eguraldia portatu da aurteangoan eta kalean ederki pasa du jendeak.
Goxo-goxo kantatu eta goxo-goxo zegoen bazkaria dastatzera joan gara. Aldapan behera egin eta ederki bazkaldu dugu. Tertulia eta kontu zahar-berriak errepasatuz...
Bazkalondo ederra pasa eta lagun giroan kantu zaharrei astindu ederra eman diegu.
Konturatzerako 19:30ak eta etxerako 
Despedida beti izaten da tristea, baina 2014ko jaiak buruan ditugula alde egin dugu etxera.
Datorren urtekoa ere mundiala izango da!
Tourist don´t forget. This is not Goenkale, this is Goikokale.



Aurreko urteko berriak: 2012, 2011, 2009, 2008
Eguneko argazkiak:




Eguneko bideo batzuk ere bai:

Aurten ere lagun zaharrak bisitatzeko aukera izan dugu Ormaiztegin.
Ez da ez lehen aldia eta aurrekoetan bezain ondo pasa genuela esan behar dugu.
Gure irudipena afaltzen inoiz baina jende gehiago ikusi izana da, seinale festak baduela bere indarra.
Afaldu, txintxo-txintxo mahaiko janak jaso eta han hasi ginen jotzen. Tenperatura ederra eta giro aparta. Kantatu eta dantzatu indarrak agortu arte.
Egia esateko ederki pasa genuen zuen herrian. Hurrengo baterako gogoak ere piztu zaizkigu. Ea hala den.

Arazo bat medio eguneko argazkiak nahi baina kalitate txarragoekin atera zaizkigu. Dena den publikatzea erabaki dugu

Aurreko urteetako berriak: 2012, 2011

Eguneko argazkiak:



Eguneko bideo bat:

Etxean emanaldia egitea eta jendeak horrelako harrera ematea pozgarria da.
Eguraldi ederra Urretxuko Euskal jaiean izan genuena. Giro beroa alde guztietatik. Tenperatura beroa eta kalean zebilen jende ugaria festarako gogoz.
Dudarik ez da goizeko giroa gero eta ederragoa dela eta egun alaia pasatzeko aukera izan genuela.
Gogoratu beharko genuke nondik datorren egun hau eta zein beharko lukeen helburu. Ondo pasatzeaz gain Urretxu euskalduna dugu amets eta poliki bada ere, bidean goaz.
Eskerrik asko lagunok, guztion artean gero eta haundiago egiten baitugu egun hau!


Datorren urtera arte

Aurreko urteetako berriak: 2012, 2011, 2009, 2008

Eguneko argazkiak:




Eguneko bideoak

Irailaren 15ean lehen aldiz Legutio bisitatzeko aukera izan genuen.
Herri txikia bai, baina kaxkarra ez. Pasatu askotan pasatzen da bat Legutiotik baina bertan geratu gure taldean gutxitan egindako kontua izan da hori.
Gu joaterako perkusio tailerrean jo eta su ibili ziren hainbat eta hainbat eta 13:00etan, ba gure txanda iritsi zen.
Eguerdian eguzkiaren goxotasunarekin hasi ginen kantuan eta poliki-poliki han inguratu zen herritar ugari. Batzuk kantatzen eta beste batzuk entzuten. Han jardun genuen bi orduz kanta eta kanta. Baten bat esnatu bagenuen ere, gehientsuenak gustura sumatu genituen... Esan zigutenak ere baziren eta horren ordaina baina politagorik ez dago guretzat.
Ederki ibili ginen kantuan, ederki bazkaldu genuen plazan eta gustura asko etxeratu ginen halako parajeez gozatuz...

Eguneko berriak: Gara

Eguneko argazkiak:

Beste behin Ondarroan egoteko aukera izan dugu.
Hitz gutxi dauzkagu esateko. Beste behin ere ederki pasa genuela esatea eta Ondarroak gure bihotzetan toki bat irabazita duela esatea.
Erantzuna itzela eta giroa are eta gehiago.
Esker hitzak jaso genituen eta bueltan gureak ematea besterik ez zaigu gelditzen.

Ea 2014ean elkarrekin egoteko parada dugun!!!

Biba zuek!!!

Eguneko argazkiak:



 Aurreko urtetako berriak: 2012, 2011, 2010, 2009
Eguneko bideo batzuk:

Festetako egitaraueko berria:

Aurten lehen aldiz izan gara Etxebarriko herrian.
Lea-Artibain badakigu kanturako eta festarako griña soberan izaten dela eta hauek ere ez dira gutxiagorako izan.
Bazkal aurretik egin zuen zaparradatxoak erabat nahastu zituen gure asmoak.
Lehenik eta behin, goxo-goxo ibili ginen Iru-bideko terrazan kantuan. Talde txikia izanagatik ere, gustura asko ibili ginen eta ibili ziren gurekin kantuan. Bide batez, eskerrik asko Iru-bide tabernako etxekoandreak izandako adeitasunarengatik. Mila Esker!
Ondoren Olaia tabernaren kanpoan aritu ginen bazkaltzeko ordua iritsi arte. Guztiak batera plazara eta frontoira joan ginen bazkari legea egitera. Gose gutxi ote zegoen iruditu zitzaigun, han ez baitzen inor kexatu ordua zela esanez.
Bazkalondoren kantu koxkor batzuk egin genituen lehenengo plazan eta ondoren forntoian. Frontoian zeudenak batu eta han joan ginen guztiok plazara eguraldia lagun genuen eta!
Plazan festa izan zen nagusi. Lehenengo koadrilen arteko jolasak izan ziren eta ondoren zezenak!

Eguneko argazkiak:

Aurten, Santiago eguna Soraluzen pasatzeko aukera izan dugu. Lehen aldia genuen bertan jotzeko aukera genuela, eta ez genekien ze harrera izango genuen. Konturatu gara herrian aurrelan handia egina dagoela eta kantatzeko griña bizi-bizi dagoela.
Horrela erantzuten duen herri batera etortze ederra da!
Eguerdian, bazkalaurretik hortxe ibili gara kalean gora eta kalean behera. Geldialditxo bat hemen, trago bat han eta kantua eta koadrila ederra lagun.
Bazkari ederra eman digute kalebarreneko bazkarian eta kafearen ondoren toki gutxitan ikusten den gauza bat ikusi dugu. Bingoarekin tartekatuta kantatu dugu bazkalondoren. Zoriak ez digu lagundu baina baten bat gu baino gustorago joango zen etxera!
Iluntzean beste saiotxo bat egin dugu Mariatxi taldeak bere saioa hasi duen arte.
Egun pasa ederra joan da eta bueltatzeko aitzakiaren bat badaukagu, bueltatuko garela esatea besterik ez zaigu gelditzen.
Ondo pasa ditzazuela jaiak!

Eguneko berriak: DV

Eguneko argazkiak:


Eguneko bideo bat:

< center > < /center >

Aurten, San Antonio ermitaren inguruan bizitakoa ez dugu berehala ahaztuko.
Lehenik eta behin, eta hasi aurretik eskerrak eman behar dizkiegu bazkaltzen horren ondo eman ziguten bi koadrilei. Gure asmoa bazkalduta joatearena zen baina arazo bat medio zuen eskuzabaltasuna zein den frogatzeko aukera izan genuen.

Bestetik argia lortzeko generadorea lortu zigutenei ere eskerrak. Bigarren ekipoa martxan jartzeko behar beharrezkoa genuen eta bestela kaxkar ibiliko ginateke (eskubiko argazkian).

Ederki pasa genuen bazkalondoren. Bakoitzak bere gustura kantatu zuen, dantzatu zuen edota hizketan jardun zuen. Elkargune ederra da eta aitzakia bikaina lagunartean egoteko. Antzematen genuen beroa ikaragarria zen eta lainotuta egon behar zuela zioten iragarpenek.
Kalera joateko mugimenduak uste baina azkarrago azaldu ziren.
Akordatzerako, guztiok korrika eta presaka geunden harri ekaitzak harrapatu gintuen eta bete betean. Babesean harrapatu zituenak gaitzerdi, besteek jaso zuten harrikada bat baina gehiago. Kotxeak kalte dezentekin bukatu zuten eta eguneko anekdota handiena hor geratu zelakoan gaude.

Bukaera Otxandioko kaleetan izan genuen. Beste ordu pare batez gustura ibili ginen kantuan aurrekoak ahaztuta. Ederki pasa genuela dudarik ez izan lagunok!
Gehitzeko besterik ez.
Ondo pasa Santa Mañak eta beste bat arte!

Aurreko urteko berriak: 2012, 2011

Kazkabarra gogotik:



Eguneko argazkiak:


Kantuan

Hasi dira dagoeneko 2013ko Antzuolako jaixak.

Urte batzuk badira bertaratzen garela. Irimo inguruak batzen gaitu eta beti izan dugu Antzuolako herria oso gustoko.
Afarian jende ugari eta giro ederra izan genuen.
Eguraldiak ere lagundu zuen eta horrela dena errezagoa da. Ontzaren zain eta zain egon ondoren, etorri zen halako batean. Aurtengoan gainera bertsoa kantatu genuen guztiok batera eta ondoren Moxolo ontzaren kanta jo genuen lehen aldiz.
Datorren urterako ea guztiok ikasi eta indarrez kantatzen dugun.
Lehen unetik kanta eta dantzaz hasi genituen jaiak. Ea ez diren luzeegiak egiten. Ondo pasa eta beste bat arte.



Eguneko berriak:Goiena, Antzuola, programa
Aurreko urteko berriak: 2011, 2012

Eguneko argazkiak:

Goienako argazkiak ikusteko hemen egin klik

Eguneko bideo bat:

Aurten ere Murgian egon gara jotzen. Ez da lehen aldia izan, beste bi aldiz jai honetan parte hartzeko suertea izan dugu.
Eguraldiaren zalantzan bizi gara 2013 honetan, eta hori dela eta, ekainaren 23an ere frontoian bazkaltzea erabaki zen nonbait.
Hasi baina lehen postre ederra eskaini ziguten eta indar horrekin hasita errez joan zen ondorengo guztia.
Jotzen hasi orduko alaitasuna transmititzen dute Zuiako lagunek. Kanturako eta dantzarako duten grina toki gutxitan ikusteko aukera izan dugula esan beharrean gaude.
Ederki pasa genuen Bai! Segi horrela!
Poliki-poliki jaia eta euskara badoa aurrera!
Eguneko berriak: Zuia Euskaraz 2011, Zuia Euskaraz 2009, 

Eguneko argazkiak:




Eguneko bideoak:
 

 Joan den ekainaren 15ean Urrestillan egon ginen.

Ez da ez lehen aldia, alajaina!!!!

Badira 17 urte gure taldeko kide batzuk Urrestillan ibili zirela kalean joaz.

Esan daiteke formato honen sorrera bertan izan zela eta ordutik leku kuttuna dugu herri hau jotzeko.

Pasadizo ugari ditugu bertan paseak eta esan genezake gure etxean bezela sentiarazten gaituztela.

Aurten beste kontu bat dugu gogoratzeko. Aranagatarrek Auntxa taberna uztera doaz, beraz, beraien eskutik jan genituen azkeneko txuletak. Espero dugu datorren urtean bertara itzultzea eta hasiko diren berrian maila eta goxotasun berean jarraitzea.

Gustora pasa genuen eta eguraldia lagun, dena errezago da.

Ondo pasa Sanjoanak eta datorren urtera arte!!!!

Eguneko argazkiak: Eguneko bideo bat Etxezarretatarren batek beren etxetik grabatua:

Ekainaren 9an eskola txikien jaiean parte hartzeko aukera izan genuen.
Txikiak izanagatik jai handia antolatu zuten.
Eguerdi partean, bazkalondoren hasi ginen jotzen eta gezurra badirudi ere, eguraldia lagun izan genuen.

Euriak jendea karpa aldera erakarri zuen eta horrek berak giroa ederki goxatu zuen.
Giro polita sortu zen eta tarte oso atsegina pasatzeko aukera izan genuen.
Gure partetik horrela jarraitzeko eskatzea besterik ez, Olaberritarrek aurten lana gogotik egin dutela badakigu. 

Eguneko berriak: Eskola txikien weba, Naiz, ETB, DV, Olaberriko herri eskola, Kuttun guraso elkartea

Eguneko argazkiak:


Aitor Furundarenak eginiko kantua:

Joan zen maiatzaren 5ean berriz egon ginen Goierri aldean.
Oraingo honetan ardi gazta ederrari izena ematen dion herrian. XVI. aldia izan zen egun hau antolatu eta ospatu zutela eta goizean eguraldia lagun, jende piloa ibili zen Idiazabal bisitatzen.

Ez zen lehen aldia izan, eta halaxe jakineko planean aritu ginen.
Bazkaloste goxoa bizi izan genuen frontoian. Lanean gogotik jardun ondoren atsedena merezi zuten lagunen artean.
Ondoren, atseden pixkat hartu eta kalean ibili ginen.
Bukatzeko Pilarrene kanpoan goxo-goxo hartu gintuzten beste behin ere eta saio ederra egin ahal izan genuen.
Ea hurrengo batean sentsazio berberak bizitzerik ditugun.

Eguneko berriak: Hitza, Noticias de Gipuzkoa, DV  

Eguneko argazkiak:

Argazkiko lagun koadrila honek nolako kasta duten demostratu ziguten joan zen urtarrilaren 16ean. Ez zen lehen aldia bertaratzen ginela, lehenago 2010ean ere egon ginen.
Dena den aurrekoan zapatua tokatu zitzaigun eta bizi izan genuen giroa beste bat izan zen. Aurtengoan giro bustia kanpoan, baina giro ederra taberna barruan. Osteguna edo eguena izateak ere izango zuen bere eragina baten bat etxean geratzerakoan...

Han ibili ginen taberna batera eta bestera tragoak hartuz eta elkarrekin gauza asko komentatuz eta kantatuz.

Ederki pasa genuen. Festak hasteko zuhaitza igo zuten eta hasiera bermatu genuen.Umorea eta gogoa bazutela erakutsi ziguten. Hortik aurrerakoak auzokideei galdetu...

Eguneko argazkiak klik hemen:

Santamas eguna berezia izaten da Arrasatearrentzat, eta baita bertaratzeko parada izaten duen guztiarentzat.
Aurtengoan gainera zapatua izanda eta eguraldi paregabea lagun, aitzakia handi bat behar zen ez bertaratzeko.
Eguerdian hasi genuen gure jiratxoa, Arbolapetatik plazara, handik Iturriotzera eta ondoren tabernen atarietara.
Eguerdiko giro goxoa lagun, ederki ibili ginen eta erantzun ederra jaso genuen kalean zebiltzanen partetik.
Ondoren bazkari ederra Musakolako polikiroldegian. 800 lagun omen zeuden eta giro paregabea antzeman genuen. Bi hitzetan esan liteke, etxean bezala!
Bazkalondoren jendeak festarako gogoa zuela erakutsi zuen lehen unetik. Trikitia ederki astindu zuten lehen instantean, gero ikurrin dantza eta ondoren gure txanda.

Kantatu eta dantzatu. Banako saio koxkor bat egin genuen eta partehartze polita egon zen. Giro jatorra Arrasate!
Eskerrik asko eta segi horrela!

Eguneko berriak: Goiena

Eguneko argazkiak: