Zazpigarren aldia bada Ondarroara joan garena. Lehen urtean harritu ginen eta azken honetan ere harrituta jarraitzen dugu!
Hasieran arazotxo batzuk izan ditugu teknikarekin, baina nolabait konpondu ahal izan dugu.
Kalejiratxoa egin eta errioaren ondoan jendetza ikusi dugu antzarrei begira. Inguratu da koadrilla ederra guregana eta kantu saioa egin dugu kofradia zaharraren aurrean. Motz egin zaigu hango egona!
19:30ean erromeria zegoenez Alameda aldera joan gara talde bikaina lagun harturik.
Hortik aurrera giroa bero eta kantuan aspertzen ez den herri bat! Liburuxkako kantu gutxi geratu zaizkigu kantatu gabe.
Polita izan da. Eguraldiak lagundu digu eta Ondarroako indarrak ere bai!
Beste urte batez itzultzeko gogoz geratu gara alajaina!!!!!

Aurreko urteetako berriak: 2014, 2013, 2012, 2011, 2010, 2009

Eguneko argazkiak hemen:


Eguneko bideoak:

Getarian izan gara Salbatore jaietan berriro ere. Zerura begira joan gara, euria goitik behera ari baitzuen eta eguna zatartzeko arriskua ikusten genuen. Bazkaria Sahatsaga frontoian izan zen eta han ikusten genuen mahai ilara luzea txukun-txukun eta ederki antolatuta. Batzuek lana poliki egina zuten guztiok eseri eta bazkari eder bat egiteko.
Hori bai, bazkarian arauak hautsi genituenaren sentsazioa izan genuen. Ikus bertan dagoen kartelak zer dioen:



Bazkalondorenean giroa handitzen joan zen. Lehenengo kantatu, gero dantzatu eta Marmitako txapelketako sariek eman zioten hango ekinari bukaera.
19:00etarako denok kalera jaitsi ginen. Han ere euri langarra izan genuen lagun harik eta hasi ginen arte. Getariako eztarrietan fedea jarri eta halaxe gertatu zen. Kaleko jardunerako hantxe atertu zuen berriro ere.
Hortik aurrera festa lehertu zen.Kalian gora eta behera jardun genuen kantuan, dantzan eta umore ezin hobean. Koadrila handia beti lagun eta mundial pasa genuen. Nekez ahazten diren egun horietako bat bizi genuen alajaina.

Aurreko urteetako berriak: 2014, 2014ko euskal jaia, 2008

Eguneko argazkiak ikusteko hemen klik egin:

Eguneko bideoak:

Hirugarren urtez egon gara Plaentxia edo Soraluzen.
Badakigu zer den bertan jotzea eta urtero ezin harrera beroagoa jasotzen dugu.
Gaurkoan ere emanaldia bi zatitan egin dugu. Bazkari aurretik eztarriak berotu eta hor ibili gara gara kalian beheeera eta kalian gooora.
Talde ederra inguratu zaigu eta jendeak ezin hobeto erantzun du, bai horixe.
Eguraldia zalantzati zegoenez bazkaria frontoian izan da eta bertan bazkaltzeko aukera izan dugu. Kafearen ondoren bingoa jolastu/jokatu dugu eta xoxen tentsioa zer den ikusi dugu!
Bazkari legea egindakon kalera joan gara beste saiotxo bat egitera. Oraingoan berriz talde txikiagoa egon gara baina giro ezin hobea.
Jendeak ondo pasatu duela iruditu zaigu, baina guk haien pare edo hobeto pasa dugula esan beharra daukagu.
Iluntzea gerturatu ahala eta ekitaldi gehiago ere badaudenez, etxera joan beharrean aurkitu gara. Ea beste batean elkar ikus-entzuteko parada dugun!

Aurreko urteetako berriak: 2014, 2013

Eguneko argazkiak hemen:




Eguneko bideoak:

Aurtengo uztailaren 19an lehen aldiz egon gara Markina-Xemeinen.
Gaurko egitarauaren oinarri kantua zen nolabait. Goizean gure saioa zegoen eta arratsaldean ETBko programa den Kantugiro zegoen programatuta. Guk gure lana hasi dugu 12:30ean eta 15:00ak ibili gara kantu eta dantza.
Motorrak berotzen joan gara eta alde zaharreko kale estuetan sartu geranean hortxe lehertu da jaia. Atzoko eguna potentea izanda, gaurko lanak zailak izan zitezkeela pentsatzen genuen...baina markinarrek metxa luzea dutela erakutsi digute.
Giro ederra eta talde polita izan dugu inguruan eta dena oso erraz joan da guretzat. ETBkoak ere hasieran gure artean ibili dira eta hauetako batean bertan egongo gara ikusgai.
Aho zapore gozoz joan gara etxera eta berriz elkar ikusteko irrika haundiarekin joan gara!!!!


Eguneko argazkiak hemen:


Eguneko bideoak:

Antzuolako 2015eko jaien hasieran egoteko aukera izan dugu beste behin ere.
Lagun zaharrak agurtu eta berriak egin ondoren afariari ekin genion.
Irudipena izan genuen behin ere baina jende gehiago hurbildu zela aurtengoan.
Ume, gazte eta ez hain gazteak batera mahai baten bueltan ikusteak poza ematen du.
Danak txintxo-txintxo egon ziren kantuan eta dantzan. Ederra somatzen giroa eta izan genuen gaugiroa. Gaua epel eta lotarako baina kalean egoteko egokiagoa zirudien.
Hiru geldialdi egin genituen herrian zehar eta 1:30ak ere jo ziguten iji eta aja.
Hortik aurrera erretiroa hartzea hobeto izaten da...

Ondo pasa jaiak!





Aurreko urtetako emanaldiak: 2014, 2013, 2012, 2011

Eguneko argazkiak:


Eguneko bideoak:

Pasa dira 2015eko Geltokiko jaiak.
Azken ekitaldia egitea guri tokatu zitzaigun eta ederki joan zen dena.
Arratsaldeko 19:30ean hasi ginen kalejiran Mendiaraz plazaraino. Dagoeneko jendea zain genuen eta horrek egia esan ilusio berezia egin zigun.
Borobil haundi-haundi baten erdian egon ginen eta jendea gustura antzeman genuen.
Umeak, gazteak eta ez hain gazteak batera ibili ginen eta egonaldi atsegina izan genuen.
Denera 3 geldialdi egin genituen, Mendiaraz plazan, Geltokietako plazan eta Auzo tabernan. Orduak aurrera joan ahala erretiroa hartzen joan zen jendean eta honela goxo-goxo bukatu genuen Auzo tabernan.
Hemendik eskerrak eman jaiak antolatzen ibili den lantalde jator eta langileari. Txukun irten ziren gauzak eta!!!!!

Eguneko argazkiak:

Argazkiak hemen
2010 eko argazkiak





Eguneko bideoak:

Aurten ere enegarrez izan gara Urrestillan. Jaiei bukaera ematea tokatu zaigu. Lagun zaharrekin egon eta lagun berriak ere egin ditugu.

Afal aurretik kalejiratxoa egin dugu eta euri langarraren bisita izan dugu.
Adin desberdinetako jendea izan dugu lagun eta ederki pasa dugu. Batzuk pilota partidak ikustera joan diren bitartean guk ederki afaldu dugu eta txispa piztu da halako batean.
Kantuan hasi gara berriz ere eta halaxe ibili gara arbola botatzeko ordua iritsi den arte.

Hortik aurrera jendeak ez zuen aitzakia handirik behar kantatzeko eta dantzatzeko.Orduak aurrera joan zaizkigu akordatzerako eta bukatu ezinik ibili gara.

Beste behin ere Urrestilla zeinen kuttun dugun eta zeinen kuttun sentitu arazten gaituzuen frogatu dugu.

Datorren urtean gehiago eta hobeto!

Aurreko urteetako berriak: 2014, 2013, 2011

Eguneko argazkiak:



Eguneko bideoak:

Legazpira hurbildu gara beste behin ere. Oraingoan Santikutz jaietan egon gara. Lagun ugari ditugu bertan, eta aitzakia hauek asko estimatzen dira lagun guzti horiek agurtzeko.
Saioa hasi aurretik eguraldi zalantzatia bazegoen ere, azkenean errespetatu digu emanaldian zehar. Tenperatura goxoa izan dugu lagun, beraz, aitzakiarik ez dugu izan.
Hasi orduko taldetxo polita izan dugu lagun eta halaxe izan da bukatu arte.
Ume, gazte eta heldu ibili gara nahastuta eta giro onean. Egia esan gozatu egin dugu kantuarekin eta dantzarekin. Eta gainera euskaraz!
Segi horrelako giro jatorrean!!!!

Legazpin beste emanaldi batzuk: 2014,  2013, 2012


Eguneko argazkiak:
Eguneko bideoak:

Joan den apirilaren 25ean Urdazubin egon ginen.
Gure taldekideak solte egonak ginen 2 urtetan baina aurten 5 lagun joateko aukera izan genuen.
Ondo bazkaldu, hobeki kantatu eta mundial pasatu genuen.
Giro ederra lagunen artean eta tenperatura bikaina apirilean izateko. Kanturako grina bazkal aurretik erakutsi ziguten. Ondoren lehen eta bigarren plateren artean, postrea etorri aurretik ere bai. Kafearen garairako eztarriak ederki berotuta genituen. Hortik aurrerakoak borobil joan ziren. Ea beste batean bidean elkarrekin egoten garen...

Eguneko argazkiak:


Eguneko bideoak:

Morgara egin dugu bisita joan den otsailaren 21ean. Ihateri edo aratuzteetako data "ofizialak" pasatu ziren eta garizumako lehen asteburuan sartu garen honetan... Hemen jaiak dirau!
19:00etan jarri ziguten hitzordua, baina ordu horretan ez genuen koadrilla haundirik inguruan. Goxo-goxo jotzen hasi ginen eta akordatzerako taberna gainezka zegoen!
Giroa derrepentean berotu zen eta hortik aurrerakoa ederki joan zen! Ohartzerako jendea saltoka eta kantuan genuen eta egundoko giroa sortu zen. Bakoitzak bere mozorroarekin egin zuen jolas eta ihauterietako magia zabaldu zen...
Bukaera aldean nahiz eta eguraldia pixkat gaiztotu zen barruan ibiltzeko modua izan genuen eta gustura bukatu genuen beste behin ere. Ohartze

Aurreko urteetako berriak: 2013

Eguneko argazkiak:

Eguneko bideoak:

Otsailaren 5 Beasainen Loinazko San Martin eguna da, herriko patroia. 2015ean gainera Beasainek Seguratik banandu zela 400 urte betetzen dira. Festarako eta ospakizunertarako ez zen aitzakiarik behar. Otsailak arrisku bat izaten du; negu gorrian izaten dela urtero eta aurtengoan ederki demostratu zigun eguraldiak.
Jotzen hasi behar genuen orduan ez zen giro!
Elurra mara-mara eta barrurako giro hobea.
Atertu zuen une batean, kalejira hasteko aukera izan genuen eta eguraldiak ederki errespetatu zigun kalean ibili ginen bitartean.
Igartzatik hasi eta Bideluzeraino hainbat geldialdi egin genituen txokoz-txoko eta jendearen erantzuna bikaina izan zen!
Beste behin ere ederki pasa genuen Beasainen!
Ez zen bisitan geunden lehen aldia eta beste behin ere ederki ibili ginen!

Aurreko urteetako emanaldiak: 2012, 2009

Eguneko argazkiak:


Eguneko bideoak:

Lehen aldia zen Idiazabalen San Blasetan egoten ginela. Dena den, Idiazabal ez zaigu ezezaguna egiten inondik inora!
 Badira urte batzuk bertan jo izan dugula eta esperientzia polita bizi izan dugu alajaina.
Beti entzun izan dugu Goierriko jai hotzenetakoak dirala San Blasak, baina gaur karpan bizitako giroa, bero-beroa iruditu zaigu. Kantuan eta dantzan txandaka jendearen partehartzea aktiboa izan da gure emanaldi osoan zehar. Koadrilen kolore ikusgarriak irudi polita ematen zuten eta elkarrekin ume, gazte eta ez hain gazte ikusteak gustua ematen du. Denak elkarrekin ederki pasa dugu eta beste behin ere aho zapore gozoaz joan gara etxera!
Ondo bukatu Sanblasak!!!!


Aurreko urteetako berriak: 2013, 2012

Eguneko argazkiak:

Eguneko bideoak:

2014ko Santamasak ere etorri dira eta joan dira akordatzerako. Iaz loteriaren berri onak eman zigun ongietorria, aurten berriz ez dugu horrelakorik izan, baina tira! kanturako osasuna eta eztarriak izan ditugu aldamenean.

Arrasate inguruan lagun ugari ditugu gustura gerturatzen gara bertara! Alde zaharrean ibili gara nahasmahasean, ttuntturroekin, dantzariekin, txarangarekin eta hainbatekin.
Eguraldi goxoa lagun, kantu-kantari egin genuen goiza. Jende mordoa zebilen kalean eta tartea bilatzea ere kosta egin zitzaigun.
Akordatzerako Musakolara joan beharra genuen bertako kiroldegiko herri-bazkarira.
Handik aurrerakoak festa, irria eta alaitasuna izan ziren nagusi!
Segi horrela Mondraue!

Aurreko urteetako berriak: 2013, 2012, 2009


Eguneko argazkiak:


Eguneko bideoak:

Durangaldean egon gara asteburu honetan bigarrenez. Oraingo honetan Zaldibarren egoteko aukera izan dugu eta lehen aldiz bertaratu gara. Egun goibela aurkitu genuen bidean baina hasiera ordurako, 18:30erako atertu egin zuen Zaldibarren. Hasi orduko jendea hurbildu zen udaletxe parera. Honela hasi ginen eta bukaera arte lagun koadrila ederra izan genuen lagun. Herriko taberna gehienak bisitatu genituen eta tamalez bukaera aldera euri langarra izan genuen lagun. Dena den, umoreak eta festarako gogoak indar haundiagoa izan zuen. Guk uste, jendeak kanta eta dantza gogoz egin zuela eta nolabait asebete zuela festarako griña.
Ederki pasa genuen eta jaso genuen harrera paregabea iruditu zitzaigun.
Ondo pasa San Andres eguna eta ea beste batean elkar ikusten dugun!!
 Biba zuek!

Zaldibarko lagun batek gureak baina argazki ederragoak atera ditu. Eskerrik asko bihotz-bihotzez Mendi Urdinak bloga eguneratu duen Delfini. Argazkiak hemen klik eginda

Eguneko argazkiak:



Eguneko bideoak:

Euskararen eguna bertan dugu (abenduaren 3an) eta Berrizen hori erreibindikatzeko egitarau mardula osatu dute. Azaroaren 28an emango diote ekimenei hasiera eta egun hori egun batzuetara zabalduko dute. Jakina, euskararen egunak urteko 365k direla ezin dugu ahaztu!
Arratsaldeko 19:00etan fin-fin azaldu zen koadrilatxo bat eta kantu batzuk kantatu genituen. Ondoren Gaztetxera joan ginen bertako bertso eskolakoen saioa entzutera. Ederki aritu ziren bertsotan eta beraien olerkiak irakurtzen.
Ondoren, han geundenak kalera joan ginen eta han ibili ginen tabernaz taberna. Denbora azkar joan zitzaigun eta bukatzeko tenorea nahi baina lehenago iritsi zen.
Arratsalde ederra pasa genuen...


Aurreko urteetako berriak: 2013, 2010

Eguneko argazkiak hemen:

Beste behin ere Leioara joateko aukera izan dugu. Gaurkoan erdialdean ibili beharrean Pinueta auzoan ibili gara. Kontu bat izan dugu kontran eta ez da eguraldia izan. Athletic eta Sevillaren arteko partidarekin topo egin du gure emanaldiak, baina hala ere elkartu da jendea guregana. Jendea gustura somatu dugu bere erara parte hartzen, batzuk kantuan, beste batzuk aldamenean entzuten...
Igande eguerdian une goxoa eskaini dugula uste dugu eta bat baina gehiago etxera aho zapore onez joan dela esan digute. Guzti hori euskaraz lortzeak pozten gaitu gehien!!!!






Eguneko berriak: UKBerri, Leioa.net   

Aurreko urteeetako berriak: 2012/2, 2012/1, 2009

Eguneko argazkiak:

Hirugarren aldiz bisitatuko dugu Legazpi. Urtean behin bisita egiteko aukera izan dugu aspaldian...

Lagun dexente ditugu paraje hauetan eta gustua ematen du bertara gerturatzea.

Aurtengoan giro epel-epela izan genuen lagun eta ostiral batez etxeratzeak ere pena ematen zuen. Kale zaharrean edo Nafarroa kalean beheeera hasi genuen jarduna. Ondoren kalean gooora egin genuen ta bertan Benito Lertxundiren kontzerturako 15 sarrera bikoitz zozkatu zituzten. Hortik aurrerakoak tabernaz taberna ibili ginen eta koadrilla ederra izan genuen lagun.
Gustura joan ginen beste behin ere etxera!

Eguneko berriak: Zingi-zango, Hitza, Legazpi udala




Aurreko urtetako berriak: 2013, 2012

Eguneko argazkiak:


Eguneko bideoak:

10 aldiz izan gara Goiko-kaleko jaietan. Gure taldearen historia eta festa hauen historia batera xamar hasi zen eta halaxe jarraitzen dugu!
Beste behin bisitatu genituen lagun on hauek eta beste behin ere mundial pasatu genuen.
Lehenengo zita Maistra Mariaren ondoan egin genuen.
Elkar agurtu genuen eta kantuan hasi ginen akordatzerako. Deskantsu txiki bat egin genuen eta famili argazki bat atera genuen (ondo gordetzeko horietako bat).
Hemen denontzako egon da lekua eta ongi etorria izan da gerturatu izan den guztia.
Guk hala sentitu izan dugu eta horixe nahi genuke aurrerantzean ere.
Datorren urtean gehiago eta hobeto!

Oriotik Goraka Tirriki taka
hor entzuten da nonbait zalaparta
sei ijitu karru batekin kanta
festetan da zakileneko aldapa

Orain hamar urte gertatua zen
bertan akelarrea piztu zuten
hamaika sorgin eta akerra tarten
munduko jai onena Goiko kalen

Bentazaharretik irten berriak
handik etorrita musikariak
kantuan jarri zituzten guztiak
sorgin, akerra ta sukaldariak.

Bazkal ondoren sortu da iskanbila
sukaldariak dantzan irten dira
sorginen artian perejil bila
distantzi motzetan trebeak dira.

Goikokalen gauza harrigarria
urtero gertatzen da miraria
tabernarik gabe dago kalia
ta sorginak berriz mozkortu dira.

Eta gogoan izan, ahaztu gabe
hau ez da Arraldeko goenkale
Erria txikota ta arrantzale
agur oriotarrak ta GOIKOKALE

















Aurreko urteko berriak: 2013, 2012, 2011, 2009, 2008

Eguneko argazkiak:


Eguneko bideoak:

Orioko bazkari honetara hainbatek ezin izan zuten etorri. Horietako batek (Onek) bertso eder batzuk idatzi zituen eta denon artean plazer haundiz kantatu genituen. Datorren urtean denok elkartuko gara sinfalta!!!!


Guretzako hau ez da plaza bat gehiago izaten. Tori gure oparitxoa bertso moduan. Gora Goikokale!!!!