Beste behin Ondarroara joateko aukera izan dugu egunik ederrenetako batean.
Luxu bat da hainbeste jende desberdin nahastuta eta kantuan batuta ikustea.
Intentsoa eta polita izan da gaurkoa ere.
Eguraldia paregabea eta giroa beste hainbeste.
Ondo pasa dugu eta errepikatzeko gogoz geratu gara!
2016 honetan Getariara joan gara beste behin ere eta ez zaigu berehalakoan ahaztuko.
Marmitako lehiaketaren azkenburu edo postre garaian hasi ginen jotzen eta baten batzuengatik balitz, oraindik han geundeke kantuan. Bizi izan genuen giroa ikaragarria izan zen. Bazkari giro bikaina eta han ez zen inor altxatu 19:00ak arte (agian marmitako txapelduna zein zen zain egongo zirelako... baina han ez zen inor ere mugitu).
Dena txukun-txukun jaso eta kalera joan ginen koadrilla ederra lagun genuela.
Hortik aurrera dena maldan behera izan zen! Kantuak gero eta indar handiagoa hartzen zuten eta eztarriak gero eta indartsuagoak ziruditen. Mundial pasa genuen Salbatore jaietan!
Hirugarren aldia bada Geltokian izan garena. Giro polita izan genuen hasieratik eta herrian maitatuak garela sentitzen dugu.
Giro jatorra eta lagunak nonahi, esan daiteke hau baino opari hoberik nekez izan dezakegula.
Antolatzaileen aldetik tratua bikaina eta eskerrak eta zorionak ematea besterik ez zaigu gelditzen.
Auzoak eta herriak bizirik daudela adierazteko era bat dira jaiak eta ekipo bikaina dagoela ikusi genuen.
Datorren urtean gu egon edo ez, gehiago eta hobeto!
Bejondeizuela!
Iaz joan ginen lehen aldiz Markinara eta orduan aho zapore gozoarekin itzuli ginen etxera.
2016an berriz itzultzeko aukera izan dugu eta iazkoaren parekoa edo hobea izan dela esan dezakegu.
Beroa nagusi Euskal Herri osoan eta nahiz eta 20:00etan genuen hasteko hitzordua, bero sapa galantarekin hasi beharra izan dugun.
Hasieratik koadrilla ederra izan dugu lagun eta ahotsak ederki zeuden jaietako azken egunean!!!!
Festen amaiera aldera ibili gara eta giroak ez du behera egin, ezta pentsatu ere!!!!
Egun ederra pasa dugu eta beste batean ere elkar ikusteko aukera izaten dugun!
2016. urtean ere berriz izan gara Urrestillan. Badira 22 urte bisitan etortzen garena. Etxean jokatzen genuen oraingoan. Aurten abeslari lanak egiten dizkigun Iñigok kale egin zigun, baita gure lagun Iraiak ere...
Dena den, kantatzeko lagun ugari bildu, eta egin genuen Urrustildarrak merezi zuten saioa!
Arratsaldean jendetza izan genuen zain, agian behin ere baina gehiago eta ondo maitatuak sentitu ginen.
Nola edo hala egin genituen gure kantu eta dantza saioak. Bikain beste behin ere. Pentsa!!!!
Eguraldi dudosoa bazegoen ere ateri eutsi zuen!
Datorren urtean bidegorritik joango gara Urrestillara.
Lau urte pasatu dira Zeanurin aurrez jo genuenetik. Beti da erakargarria Arratiako txoko hauetara gerturatzea eta zorte ederra izan dugu gaurkoan ere...
Eguraldi txarra iragarrita bazegoen ere ederki eutsi dio egunak. Ez zirudien maiatzeko egun bat zenik baina ez dakigu zergatik, ateri egin du emanaldi osoan zehar. Guk uste, Zeanuriko eztarriek ederki kantatu dutelako izan dela!!!!!
Koadrilla polita izan dugu lagun hasiera-hasieratik eta gustura ibili gara. Goxo-goxo sentitu gara eta ederki pasa dugu kalean gooora eta kalean beheeera.
Errepikatzeko modukoa lagunak!
Ondo pasa San Isidro eguna!
Laugarren urtez izan dugu zita Urdazubin. Artaldea txintxo-txintxo inguratu zen ostatura eta bazkal aurretik giro epelean kantuan ibili ginen.
Ondoren, majo bazkaldu ondoren giroa berotu zen eta lagunarte ederrean egon ginen harik eta gu aspertu arte. Iruditzen baitzaigu batzuren martxarekin oraindik han geundekeela!!!!
Segi horrela eta datorren urtean berriz!
Joan den larunbatean, martxoaren 12an Donostiako Loiolan egon ginen.
Bertako kantujirakoekin jira ederra egin genuen auzo guztian zehar. Plaza, kale eta taberna kanpo gehienak bisitatu genituen aldarte ezin hobean. Astean zehar ez zen giro izan, baina zapatu goizean argi eta ateri egin zuen eta hortik aurrera ez genuen aitzakiarik izan.
Jaso genuen harrera oso ona izan zen eta eguerdi parte horretan tabernariek izan zituzten detaileak txalotzekoak.
Jana eta edana ondo pasatzen ari ginelako! Ba al dago gehiago eskatzerik?
Eskerrik asko Loiolako kantujirakoei kantu lagun izateagatik eta beste desiorik ez, ea beste nonbaiten elkar ikusterik dugun!
Aurtengoa ez da lehen aldia Ormaiztegin egon garena, ez...
San Migeletan eta kinto afariren batean izanda gara eta aurten Ander Deunaren jaietan egon gara.
Hotza izan genuen kanpoan baina eztarri batzuk ederki berotu ziren halaere.
Hasiera pilota finalak baldintzatu zigun, jende ugari telebistari pegatuta baitzegoen, baina hori amaitu ondoren han izan genuen jendea gure alboan.
Koadrilla polita izan genuen lagun emanaldi guztian zehar eta 3 ordu akordatzerako joan zitzaizkigun.
Beste behin ere ederki pasa dugu Goierriko txoko honetan eta espero dugu bertako hainbatek guk bezain ondo pasa izana.
Aurtengoa lehen aldia da Mutrikura gerturatu garena. Saiakera batzuk egon dira baina aurtengora arte ez zaizkigu gauzak pare-parean tokatu.
Aurten suertez, bertaratu gara eta giro paregabea izan dugu lagun.
Zezenak bukatu zain egon gara eta bukatu orduko hasi eta erantzun paregabea aurkitu dugu.
Ordubete pasako kantu saioa egin eta beheko plazara jaitsi gara kalejiran. Kale estuak eta koadrila bikaina atzetik. Beheko kalean beste pixkat egon gara eta berriz kalian gora saioa amaitzeko. Akordatzerako 22:30ak ere izango ziren eta jendearen partetik ez dugu presarik somatu.
Ez dakigu nekea edo gosea zer den ba ote dakiten mutrikuarrek, baina kantua zer den bai. Ederki pasa dugu eta beste noizbait elkar ikusteko itxaropenarekin joan gara etxera.
Bergarara gonbidatuan izan gara oraingo honetan. Bigarren aldia da bertan jo duguna, baina aurrekoa aldia duela 6 urte izan zela kontuan izanda, esperientzi berri bat bizi izan dugula esan dezakegu.
Goizeko azokaren inguruan jendea zebilen bitartean tokatu zaigu jotzen ibiltzea. Eguerdiko 12:00etan hasi gara eta 14:30ak arte han ibili gara batera eta bestera. Giro polita aurkitu dugu eta harrera beroa egin digute egon garen geldiune denetan.
Batzuk kantuan eta beste batzuk egonean izan ditugu inguruan eta guztien irrifarra izan dugu ordainik onena.
Ondoren paella janera joan gara eta oso ondo tratatu gaituztela esan beharra daukagu. Eskerrik asko antolatzaileei honelako bazkari goxoa eta honelako tratua emateagatik.
Bazkalondoren eta zezenak hasi bitartean kantaldi txiki bat egin dugu.
Hortik aurrera karpan zezenek gure saioak baino ikusmin handiagoa sorrarazi dute.
Kalean beste saiotxo bat egin eta halaxe etxeratu gara. Aho zapore gozoarekin eta ondo pasa izanaren sentipenarekin.
Zazpigarren aldia bada Ondarroara joan garena. Lehen urtean harritu ginen eta azken honetan ere harrituta jarraitzen dugu!
Hasieran arazotxo batzuk izan ditugu teknikarekin, baina nolabait konpondu ahal izan dugu.
Kalejiratxoa egin eta errioaren ondoan jendetza ikusi dugu antzarrei begira. Inguratu da koadrilla ederra guregana eta kantu saioa egin dugu kofradia zaharraren aurrean. Motz egin zaigu hango egona!
19:30ean erromeria zegoenez Alameda aldera joan gara talde bikaina lagun harturik.
Hortik aurrera giroa bero eta kantuan aspertzen ez den herri bat! Liburuxkako kantu gutxi geratu zaizkigu kantatu gabe.
Polita izan da. Eguraldiak lagundu digu eta Ondarroako indarrak ere bai!
Beste urte batez itzultzeko gogoz geratu gara alajaina!!!!!
Getarian izan gara Salbatore jaietan berriro ere. Zerura begira joan gara, euria goitik behera ari baitzuen eta eguna zatartzeko arriskua ikusten genuen. Bazkaria Sahatsaga frontoian izan zen eta han ikusten genuen mahai ilara luzea txukun-txukun eta ederki antolatuta. Batzuek lana poliki egina zuten guztiok eseri eta bazkari eder bat egiteko.
Hori bai, bazkarian arauak hautsi genituenaren sentsazioa izan genuen. Ikus bertan dagoen kartelak zer dioen:
Bazkalondorenean giroa handitzen joan zen. Lehenengo kantatu, gero dantzatu eta Marmitako txapelketako sariek eman zioten hango ekinari bukaera.
19:00etarako denok kalera jaitsi ginen. Han ere euri langarra izan genuen lagun harik eta hasi ginen arte. Getariako eztarrietan fedea jarri eta halaxe gertatu zen. Kaleko jardunerako hantxe atertu zuen berriro ere.
Hortik aurrera festa lehertu zen.Kalian gora eta behera jardun genuen kantuan, dantzan eta umore ezin hobean. Koadrila handia beti lagun eta mundial pasa genuen. Nekez ahazten diren egun horietako bat bizi genuen alajaina.
Hirugarren urtez egon gara Plaentxia edo Soraluzen.
Badakigu zer den bertan jotzea eta urtero ezin harrera beroagoa jasotzen dugu.
Gaurkoan ere emanaldia bi zatitan egin dugu. Bazkari aurretik eztarriak berotu eta hor ibili gara gara kalian beheeera eta kalian gooora.
Talde ederra inguratu zaigu eta jendeak ezin hobeto erantzun du, bai horixe.
Eguraldia zalantzati zegoenez bazkaria frontoian izan da eta bertan bazkaltzeko aukera izan dugu. Kafearen ondoren bingoa jolastu/jokatu dugu eta xoxen tentsioa zer den ikusi dugu!
Bazkari legea egindakon kalera joan gara beste saiotxo bat egitera. Oraingoan berriz talde txikiagoa egon gara baina giro ezin hobea.
Jendeak ondo pasatu duela iruditu zaigu, baina guk haien pare edo hobeto pasa dugula esan beharra daukagu.
Iluntzea gerturatu ahala eta ekitaldi gehiago ere badaudenez, etxera joan beharrean aurkitu gara. Ea beste batean elkar ikus-entzuteko parada dugun!
Aurtengo uztailaren 19an lehen aldiz egon gara Markina-Xemeinen.
Gaurko egitarauaren oinarri kantua zen nolabait. Goizean gure saioa zegoen eta arratsaldean ETBko programa den Kantugiro zegoen programatuta. Guk gure lana hasi dugu 12:30ean eta 15:00ak ibili gara kantu eta dantza.
Motorrak berotzen joan gara eta alde zaharreko kale estuetan sartu geranean hortxe lehertu da jaia. Atzoko eguna potentea izanda, gaurko lanak zailak izan zitezkeela pentsatzen genuen...baina markinarrek metxa luzea dutela erakutsi digute.
Giro ederra eta talde polita izan dugu inguruan eta dena oso erraz joan da guretzat. ETBkoak ere hasieran gure artean ibili dira eta hauetako batean bertan egongo gara ikusgai.
Aho zapore gozoz joan gara etxera eta berriz elkar ikusteko irrika haundiarekin joan gara!!!!
Antzuolako 2015eko jaien hasieran egoteko aukera izan dugu beste behin ere.
Lagun zaharrak agurtu eta berriak egin ondoren afariari ekin genion.
Irudipena izan genuen behin ere baina jende gehiago hurbildu zela aurtengoan.
Ume, gazte eta ez hain gazteak batera mahai baten bueltan ikusteak poza ematen du.
Danak txintxo-txintxo egon ziren kantuan eta dantzan. Ederra somatzen giroa eta izan genuen gaugiroa. Gaua epel eta lotarako baina kalean egoteko egokiagoa zirudien.
Hiru geldialdi egin genituen herrian zehar eta 1:30ak ere jo ziguten iji eta aja.
Hortik aurrera erretiroa hartzea hobeto izaten da...
