Eitzagak ez du aurkezpen beharrik Urola Garaian bizi den edonorentzat.
Dena den, ez dakienarentzat gaur egun Zumarragako auzo bat dela esango dugu. Gure taldean 3 lagunek lotura berezia dugunez jai hauetan parte hartzea halaxe kontsideratzen dugu.

Maiatzaren 3an Berriatua ezagutzeko parada izan genuen.
Hasieran eguraldi beroa eta giroa hotz izan genuen. Honelako herri batek horrelako plazarik izango zuenik ez genuen uste!!!!
Paellak gain hartu zigula zirudien eta Valentziara kopako finalerako erreserbatzen ari ginela zirudien.
Athletic-en partida bukatu arte ezin izan genuen remontadaz gozatu. Despistatuentzat enpatatu egin zuen...
Atsedenaldiaren ondoren leku goxoago batera joan ginen eta han kantuzaleez inguratuta beste kontu bat izan genuen. Giro ona eta gozatua hartu genuen. Igande arratsalde baterako ez zen ez plan txarra izan!!!!



Bideoan momentu eder batzuk:



Gogoratu festak ez direla amaitu eta oraindik badagoela festan jarraitzeko aukera.
Egitaraua ikusi nahi duenak hemen du oso-osorik.

Korrikak 16. aldiz bukaera borobila eman zion apirilaren 5ean. Guk, bertan gonbidaturik egoteko aukera edo pribilegioa izan genuen.
Eguraldia ederra, bukaera hunkigarria eta bertan sortu zen giroa...
Landatxon bazkaldu genuen eta han kale animazioko taldeek girotu ziguten jatordua.
Hau artista mordoa izan genituenak inguruan!!!!
Segi horrela gaztek!!!
Bazkari ederra barneratu ondoren bazkaloste ederra izan genuen. Kantua eta dantza nahastu zitzaizkigun eta orduak aurrera joan ahala tenperatura igotzen joan zen (Siberia-Gasteizen hori lortzea ez da makala).
Hortik aurrera aiztogile (kutxi) kalean ibili ginen jendearen laguntza beroarekin.
Han bizitakoak ikusi ondorengo lehioan.

25 urte pasa dira Debabe lanean hasi zela (Mutriku, Deba eta Elgoibarko euskaltegien batura) eta tamalez beste hainbeste pasa beharko ditu lanean, euskara jende gehiagori erakutsiz. Joan zen larunbatean aitzakia hori harturik elkartu ziren bertatik pasatako irakasle, ikasle eta lagun zenbait.
Kantua, dantza, barrea eta tertulia izan ziren nagusi. Festak luze iraun zuen batzurentzat eta ez da seinale txarra. Euskararen lehia luzea eta konstantea denez ea orain bezain fresko jarraitzen duzuen!!!



Informazio gehiago: Debabe blog , udaleuskaltegiak.net , DV
Eguneko kronika: Blogari , Blogari1

Joan zen martxoaren 27an Leioan izan ginen.
Korrika 16aren barruan korrika kulturalak antolaturiko kantu afarian parte hartu genuen eta bertan pasatako orduak hemen laburbiltzea ezinezkoa zaigu.
Egia esan behar bada, arratsaldeko 19:00etan Ikeaberrin aurkitutako giroa hotza izan genuen, baina orduak aurrera egin ahala tenperatura ederki igotzen joan zela esan beharko dugu.
Kantu poteoa luze joan zitzaigun eta ia-ia afaldu behar genuela ere ahaztu egin genuen. Banako-binako inprobisatuak eman zion bukaera arratsalde parteari.
Honela bada, Betiko ikastolaren jantokian afaldu genuen 130 lagun inguruk. Ederra giroa. Kupela!!! batzuek, Hik lan eta nik jai!!! besteak...
Afal ondoren taldeak banan-banan igo ziren oholtza gainera zuten arte guztia erakustera. Kantatzea da gure helburua eta euskaraz izateak ematen dio balio erantsia. Biak uztartuta eta giro jatorrean bada, ikaragarria!!!!
Gure partetik eskerrik asko Berbalamiñeko lagunei bertara gonbidatzeagatik. Lanean segi dezazuela eta ea berriz ere elkarrekin egoteko aukera izaten dugun!


Bukatu baina lehen, eskerrik asko Txomin, gure erreportari inprobisatuari. Argazki mordoa atera eta sareratzeko aukera izan baitugu berari esker!!!
Hurrengo bat arte

Aurtengo martxoaren 7a data polita izan da Bentazaharreko Mutiko Alaientzako.

Lehen aldia izan da talde moduan Behe Nafarroara joan garena eta ederki pasa genuela aitortu behar dugu.

Gazi-gozoa izan genuen hango hasierako martxa. 5 kidetatik 4k bakarrik joan ahal izan genuen baina Kilimon taldearen 20. urteurrenak merezi zuela pentsatzen genuen eta pentsatzen dugu!!!!
Zorionak bide batez !!!

Egitaraua bete ondoren zera ondoriozta dezakegu. Donapaleun asko jaten dute eta besta egiten ederki dakite!

De Donapaleu

De Donapaleu

De Donapaleu

Bideo gehiago ikusteko klikatu hemen

Otsailaren 21ean, ihauterietan Hernaniko San Joan konpartsarekin ibili ginen egun osoan zehar. Konpartsa honek urte osoa pasatzen du lanean. Urtea ihauteriekin hasten dute, ondoren San Joanetarako lanean hasten dira eta urtea San Tomas eta Olentzerorekin bukatzen dute.
Ez dira geldi egotekoak ez. Honela bada, Martxa eta giro ederra izan genuen egun osoan zehar.



Eguneko 2 bideo:




Eta eguneko hainbat argazki
Eguneko kronikak: Hernaniko kronika , Hernaniko kronika1, DV,

Bezperako informazioa sarean: Ihauterietako egitarau osoa / Kulturweb / Hernaniko kronika /Noticias de Gipuzkoa

Bentazaharreko mutiko alaien argazki galeria

Zerbait esateko baduzue esan azpiko "comentarios" atalean mesedez

Izugarri gustatu zitzaidan Nafarrora bueltatxoa.
Emanaldiaren helburuak ondo bete zirela uste dut, jendeak gustora kantatu zuen.
Ondorengoa ere primeran, Koldo eta besteak oso ondo portatu ziran gurekin. Jandako arkumea ez dut denbora luzean ahaztuko. Errezeta lortu beharko genuke agian.

Esan digutenez Orioko Goikokaleko jaiak berrantolatzeari ekin zioten duela 3 urte. Lehenago ba omen zen ospakizunen bat edo beste baina 2005. urtean forma aldaketa eman omen zioten. Urte hartan Bentazaharreko Mutiko Alaiak taldea jaiotzear zegoen. Honela hasi zenetik han izan gara urtero. Kostako gatza bizi-bizi dagoela demostratzen diguten jendea dagoela esan behar dugu.


Igande eguerdian giro aparta zegoela ikus dezakegu ondoko argazkian. Ez da ez plan txarra pilarika eguna ospatzeko.






Harrobia eta gaztetxoak ekimen honetan jokoz kanpo ez daudela esan dezakegu. Kantuzaletasuna belaunaldiz belaunaldi transmititzen dela erakutsi digute.



Berri gehiago: karkaran
Hau ere ikasi dugu honez gero:


TOURIST, DON´T FORGET, THIS IS NOT GOENKALE, IS GOIKOKALE



Zerbait esateko baduzue esan azpiko "comentarios" atalean mesedez

Zumaiako San Joan egoitzan familia eguna ospatu zuten urriaren 11n.
Bertaratzeko gonbita egin ziguten eta gustura parte hartu genuen. Adin guztietako gazteak izan genituen lagun eta eguraldi ederraren laguntzaz ederki pasa genuen. Jaso genuena eman genuena baina gehiago izan zen.
Eskerrak ahoz eta idatziz jaso genituela esan dezakegu

Oñatiko Herri eguna ezagutzeko aukera izan dugu aurten. Kalean giro ederra eta gure estrainaldia izateko harrera ederra izan genuen. Talde fidela atzetik eta ondo pasatzeko nahia besterik ez. Bentazaharrekoen partetik errepikatzeko gogoa dugula esatea besterik ez. Horrekin nahikoa esan dugula deritzogu.

Egitaraua
Eguneko berriak: Noticias de Gipuzkoa
Zerbait esateko baduzue esan azpiko "comentarios" atalean mesedez

Irailaren 21ean jo genuen Urretxun. Urretxuko euskal jaietan ez gara askotan atera, baina etxean jokatzeak abantaila ematen digula esan dezakegu. Eguraldi ederra eta Iparragirreren sortetxearen parean kantatzen ibiltzeak hazi egiten gaitu. Kantuzaletasunaren sokak darrai eta ea etenaldirik ez dugun ezagutzen.

Zerbait esateko baduzue esan azpiko "comentarios" atalean mesedez

Pixkanaka-pixkanaka Gipuzkoako kostako herriak barruagotik ezagutzeko aukera dugu. Beti turista moduan gerturatzen dugunok herritarrekin jaiak ospatzeak beste ikuspegi bat ematen digu. Getari eta getariarrak ezagutzeko aukera izan dugu. 600 laguneko bazkaloste jatorra egin eta ezin kexatuko gara. Giro ederra eta kale ederrak kantuan ibiltzeko! Aldapak leuntzerik baleude gutakoren batek eskertuko luke.

Jaien egitaraua