2011/12/03

2011-12-02 Erandio Goikoan euskara eguna

Euskarak egun baten beharra du gaur egun.

Erandion arrazoi hau medio, 2011ko euskararen egunak antolatu dituzte, eta bertan egitarau mardula osatu.

Guk bertan parte hartzeko aukera eta suertea izan genuen abenduaren 2an. Erandio Goikoa ezagutu eta bertako jende jatorrarekin tarte ederra pasa genuen. Oso gutxitan eskatutako kantak kantatu eta behin ere egin ez genuen gauza bat egin genuen. Gaueko hamarretan, hamarretakoa. Bide batez, eskertu eskainitako ziguten mokadutxoa. Ederra benetan!!!!!!

Ea hurrengo batean itzultzerik daukagun eta gutxienez aurrenekoan bezain ondo pasatzen dugun.

Jarrai horrela euskaraz ondo pasatzen.

Eguneko berriak: ukberri,

Eguneko argazkiak ondoren:

2011/10/14

2011-10-13 Durangoko San Fausto jaiak

Aurten ere Durango bisitatzeko aukera izan dugu.
Urteak ez dira alferrik pasatzen eta jendeak ederki pasatzen du gurekin eta guk Durangarrekin (2009an eta 2010an). Eguraldi paregabea eta alde zaharreko zoko gehienak ukitzeko aukera izan dugu. Jendea kantatzeko eta txalo egiteko gogoz eta horrela saioa agudo joaten zaio talde bati.
Badakigu festak ez direla bukatu. Ezta gutxiago ere!!!!

Hala izanda, segi herriko jaietaz disfrutatzen eta ea laburrean berriro elkar ikusteko aukerarik izaten dugun.
Eguneko argazkiak ikusgai ondoren:

2011/10/10

2011-10-09 Orioko Goiko-kaleko jaiak

Beste urte batez Orion, baina zehazkiago Orioko Goiko kalen egoteko aukera eta zortea izan dugu.
Festa, irria eta alaitasuna hasiera hasieratik. Euria uxatu eta festarako gogoa zabaldu zen.

Eguerdian Idiazabalgo mendizale talde baten bisita izan genuen ustekabean eta ondoren auzotarrak izan genituen nagusi.

Ederki bazkaldu genuen eta sukaldariei eskerrik asko esan nahiko genieke lerro hauen bidez. Beti hankamotz geratzen baikara eskertzerako orduan.

Ederki bazkaldu ondoren lanak errezak izaten dira Aldapa elkartean.

Gure partetik gutxi gehiago esateko. Eskerrik asko segi ezazuela horrela!!!

Aurreko urteetako laburpenak: 2010, 2009, 2008,
Eguneko berriak: Karkara, DV, Hitza, Hitza1


Eskerrik asko segi horrela lanean.

Eguneko argazkiak Ritxi Uzkudunek atera zituen. Hemen behean dituzue ikusgai.

2011/09/25

2011-09-24 Ormaiztegin San Migel jaiak

Ormaiztegin San Migelak aurreratu dituzte aurtengoan, hau festarako gogoa neska-mutilak!!!!
Ez da lehenengo aldia Ormaiztegira inguratu garela, ezta lehen aldiz San Migeletako afari honetara etorri garena.
Ormaiztegiarrek beti egin digute harrera beroa, eta atzokoan ez zen gutxiago izan. Txorizoa eta odolkiak nahi adina jan eta osterantzekoak norberak antolatu ondoren giro bikaina aurkitu genuen Goierri alde honetan. Gauza ederra da 400 lagun batera dantzan eta kantuan ikustea.

Ondo pasa genuen eta espero dugu zuek ere, Ormaiztegiarrok, halaxe egingo zenutela.

Hurrengo batean gehiago eta hobeto!

Eguneko argazkiak ondoren. Barkatu argazki askok duten kalitatea, baina, horri baina garrantzi handiagoa ematen diogu bertako mamiari:

2011/09/24

2011-09-18 Urretxun Euskal Jaia


2011ko Urretxuko jaiak eta konkretuki euskal jai eguna ez da eguraldi onarengatik gogoratua izango.
Dena den, jendeak ondo pasatzeko intentzioa zuenez eguerdiko kantu saioa egiteko prest agertu ginen eta baita jendeak erantzun ere.

Zorionez, eguraldiak 2 ordutan ez zigun gehiegi zigortu eta giro ezinhobeaz gozatzeko parada izan genuen.

Lerro hauek aprobetxatu nahiko genituzke gurekin izan zineten guztiori eskerrak emateko datorren urtean gehiago eta hobeto pasako dugula esateko.

Etxean maitatuak sentitzen gara eta hori suerte handia da. Biba zuek!!!!

Eguneko argazkiak:

2011/08/18

2011-08-17 Ondarroan arrantzale eguna




3 urte dira Ondarroako Arrantzale egunean zuzen-zuzenean parte hartzeko aukera dugunetik. Egia esan hitzik ere ez daukagu nola pasatu genuen adierazteko. Urtez urte erantzuna gero eta politagoa da eta antzar-jokuarekin batera tokatu baginen ere ederki portatu ziren herritar asko eta asko. Garbi dago Ondarroa herri kantaria eta alaia dela. Giro aparta, eguraldia lagun eta ondo pasatzeko gogoa nonahi.
Besterik esatekorik ez, segi horrela eta ea beste batean elkarrekin egoteko aukera dugun!!!
Hauxen da peni dakaguna...

Eguneko argazkiak:

Hemen Turrune web orritik hartu dugun bideoa:

Eguneko berriak: turrune, gara, deia,



2011/07/23

2011-07-23 Otxandion Santamañak


Oraingo honetan Otxandio eta Otxandiotarrak ezagutzeko aukera izan genuen. Jai bereziak izan zirela pentsatzen dugu, duela 75 urtekoa gogoan izanik. Dena den aurrera begira jarri dira eta umorez jai egiten badakitela erakutsi ziguten. San Martin ermitaren inguruan ederki bazkaldu genuen, eta bide batez, eskerrik asko bazkaria inguratu eta bapo geratzen lagundu ziguten koadrilei. 
Bazkalondoren motorrak berotu ziren eta dantzara griña ere atera zitzaien askori. Kantua eta dantza nahasian lagun ederrak dira. Han bukatu eta kalean azken saiotxoa. Ordu betez kanta eta kanta ibili ginen lagunarte ederrean. Horixe izan zen ba dena, hurrengo batean gehiago eta hobeto.

Informazio gehiago: anboto.org, gaztetxea, altzoan, udalaren weba



2011/07/20

2011-07-14 Antzuolako jaiak

Antzuolako jaien hasieran egoteko aukera izan dugu aurtengoan. Uztailaren 14ean, ostegun iluntzean izan ginen Antzuolako kaleetan gora eta behera. Bertan, etxean bezala aritu izan gara, lagun asko baititugu taldekideok.
Giro ona eta jende andana kalean, antzematen da Antzuolarrek bere herria eta bere jaiak maite dituztela.
Ontzak argiak eta iskanbila piztu zuen txiki eta handiengan eta hortik aurrera jaiak ez zuen etenik izango ez...

Hurrengo batean hobeto eta gehiago!

Eguneko berriak: Goiena argazkiak, agenda,
Eguneko argazkiak ondoren:

2011/06/28

2011-06-26 Zuia Euskaraz (Murgian)


Ez da aurtengoa lehen aldia izan Zuia Euskarazen parte hartzeko aukera izan duguna. Duela 2 urte, 2009an ere parte hartzeko aukera izan genuen.
Orduan bezala aurten ere Zuiako lagunek ez digute hutsik egin. Giro jatorra eta alaia topatu genuen eta euskarak hori baldin badu, izango du etorkizuna dudarik gabe.
Besterik ez, ea beste batean elkarrekin izaterik dugun...








Informazio gehiago: Euskaraba, Zuiako udala, Zuialde, Noticias de Alava,
Bidabarri
, Noticias de Alava1







2011/06/19

2011-06-18 Urrestillan San Joanak




17 urte, urtero-urtero zita izan eta gero Pakok kale egin bazigun ere, Bentazaharreko Mutiko Alaiakeko lagunok Urrestillan izateko parada izan genuen joan zen ekainaren 18an. Urrestillarrek ez ziguten kale egin beste behin ere eta etxean bezala aritu baikinen. Festak izan ez arren festa giro ederra izan genuen eta eguraldiak errespetatu zigunez, ze gehiago nahi dugu???



Auntxako txuletak ez zigun ihes egin eta honegatik bada ere tradizioari segiko diogu. Bai horixe!



Informazio gehiago: uztarria, lapikue.net, agenda,



2011/05/29

2011-05-28 Uskararen eguna Uztarrozen


Lehenagoko lagunak genituen Erronkarikoak. Uskararen egunean izan ginen duela 3 urte Erronkarin egin zen bazkarian eta luxu bat da Nafarroaren ekialdera joateko gonbita jasotzea.
Aurtengoan jaia herri txikiago batean izanda ere jai handi batean parte hartzeko aukera izan genuen.
Partehartzen jende ugari eta gaitero talde bikaina izan genituen lagun, Gasteizko Mendialdeko gaiteroak.
Giro ederra eta errepikatzeko modukoa.Enlace
Eskerrik asko Erronkari eta jarraitu horrela.




Gogoratu aurtengo leloa:
USKARA
BETI,
GURE AHO BIHOTZETAN

Informazio gehiago: Kebenko elkartea, Noticias, Mendixut,