2014/12/23

2014-12-22 Arrasaten Santamasak

2014ko Santamasak ere etorri dira eta joan dira akordatzerako. Iaz loteriaren berri onak eman zigun ongietorria, aurten berriz ez dugu horrelakorik izan, baina tira! kanturako osasuna eta eztarriak izan ditugu aldamenean.

Arrasate inguruan lagun ugari ditugu gustura gerturatzen gara bertara! Alde zaharrean ibili gara nahasmahasean, ttuntturroekin, dantzariekin, txarangarekin eta hainbatekin.
Eguraldi goxoa lagun, kantu-kantari egin genuen goiza. Jende mordoa zebilen kalean eta tartea bilatzea ere kosta egin zitzaigun.
Akordatzerako Musakolara joan beharra genuen bertako kiroldegiko herri-bazkarira.
Handik aurrerakoak festa, irria eta alaitasuna izan ziren nagusi!
Segi horrela Mondraue!

Aurreko urteetako berriak: 2013, 2012, 2009


Eguneko argazkiak:


Eguneko bideoak:



2014/11/30

2014-11-29 Zaldibarren San Andres jaiak


Durangaldean egon gara asteburu honetan bigarrenez. Oraingo honetan Zaldibarren egoteko aukera izan dugu eta lehen aldiz bertaratu gara. Egun goibela aurkitu genuen bidean baina hasiera ordurako, 18:30erako atertu egin zuen Zaldibarren. Hasi orduko jendea hurbildu zen udaletxe parera. Honela hasi ginen eta bukaera arte lagun koadrila ederra izan genuen lagun. Herriko taberna gehienak bisitatu genituen eta tamalez bukaera aldera euri langarra izan genuen lagun. Dena den, umoreak eta festarako gogoak indar haundiagoa izan zuen. Guk uste, jendeak kanta eta dantza gogoz egin zuela eta nolabait asebete zuela festarako griña.
Ederki pasa genuen eta jaso genuen harrera paregabea iruditu zitzaigun.
Ondo pasa San Andres eguna eta ea beste batean elkar ikusten dugun!!
 Biba zuek!

Zaldibarko lagun batek gureak baina argazki ederragoak atera ditu. Eskerrik asko bihotz-bihotzez Mendi Urdinak bloga eguneratu duen Delfini. Argazkiak hemen klik eginda

Eguneko argazkiak:



Eguneko bideoak:




2014/11/29

2014-11-28 Berrizen euskararen eguna


Euskararen eguna bertan dugu (abenduaren 3an) eta Berrizen hori erreibindikatzeko egitarau mardula osatu dute. Azaroaren 28an emango diote ekimenei hasiera eta egun hori egun batzuetara zabalduko dute. Jakina, euskararen egunak urteko 365k direla ezin dugu ahaztu!
Arratsaldeko 19:00etan fin-fin azaldu zen koadrilatxo bat eta kantu batzuk kantatu genituen. Ondoren Gaztetxera joan ginen bertako bertso eskolakoen saioa entzutera. Ederki aritu ziren bertsotan eta beraien olerkiak irakurtzen.
Ondoren, han geundenak kalera joan ginen eta han ibili ginen tabernaz taberna. Denbora azkar joan zitzaigun eta bukatzeko tenorea nahi baina lehenago iritsi zen.
Arratsalde ederra pasa genuen...


Aurreko urteetako berriak: 2013, 2010

Eguneko argazkiak hemen:

2014/11/02

2014-11-02 Leioan Kalekantuka

Beste behin ere Leioara joateko aukera izan dugu. Gaurkoan erdialdean ibili beharrean Pinueta auzoan ibili gara. Kontu bat izan dugu kontran eta ez da eguraldia izan. Athletic eta Sevillaren arteko partidarekin topo egin du gure emanaldiak, baina hala ere elkartu da jendea guregana. Jendea gustura somatu dugu bere erara parte hartzen, batzuk kantuan, beste batzuk aldamenean entzuten...
Igande eguerdian une goxoa eskaini dugula uste dugu eta bat baina gehiago etxera aho zapore onez joan dela esan digute. Guzti hori euskaraz lortzeak pozten gaitu gehien!!!!






Eguneko berriak: UKBerri, Leioa.net   

Aurreko urteeetako berriak: 2012/2, 2012/1, 2009

Eguneko argazkiak:










2014/10/24

2014-10-24 Legazpin kale zaharreko jaiak

Hirugarren aldiz bisitatuko dugu Legazpi. Urtean behin bisita egiteko aukera izan dugu aspaldian...

Lagun dexente ditugu paraje hauetan eta gustua ematen du bertara gerturatzea.

Aurtengoan giro epel-epela izan genuen lagun eta ostiral batez etxeratzeak ere pena ematen zuen. Kale zaharrean edo Nafarroa kalean beheeera hasi genuen jarduna. Ondoren kalean gooora egin genuen ta bertan Benito Lertxundiren kontzerturako 15 sarrera bikoitz zozkatu zituzten. Hortik aurrerakoak tabernaz taberna ibili ginen eta koadrilla ederra izan genuen lagun.
Gustura joan ginen beste behin ere etxera!

Eguneko berriak: Zingi-zango, Hitza, Legazpi udala




Aurreko urtetako berriak: 2013, 2012

Eguneko argazkiak:


Eguneko bideoak:


2014/10/12

2014-10-11 Orioko Goiko-kaletarren bazkaria

10 aldiz izan gara Goiko-kaleko jaietan. Gure taldearen historia eta festa hauen historia batera xamar hasi zen eta halaxe jarraitzen dugu!
Beste behin bisitatu genituen lagun on hauek eta beste behin ere mundial pasatu genuen.
Lehenengo zita Maistra Mariaren ondoan egin genuen.
Elkar agurtu genuen eta kantuan hasi ginen akordatzerako. Deskantsu txiki bat egin genuen eta famili argazki bat atera genuen (ondo gordetzeko horietako bat).
Hemen denontzako egon da lekua eta ongi etorria izan da gerturatu izan den guztia.
Guk hala sentitu izan dugu eta horixe nahi genuke aurrerantzean ere.
Datorren urtean gehiago eta hobeto!

Oriotik Goraka Tirriki taka
hor entzuten da nonbait zalaparta
sei ijitu karru batekin kanta
festetan da zakileneko aldapa

Orain hamar urte gertatua zen
bertan akelarrea piztu zuten
hamaika sorgin eta akerra tarten
munduko jai onena Goiko kalen

Bentazaharretik irten berriak
handik etorrita musikariak
kantuan jarri zituzten guztiak
sorgin, akerra ta sukaldariak.

Bazkal ondoren sortu da iskanbila
sukaldariak dantzan irten dira
sorginen artian perejil bila
distantzi motzetan trebeak dira.

Goikokalen gauza harrigarria
urtero gertatzen da miraria
tabernarik gabe dago kalia
ta sorginak berriz mozkortu dira.

Eta gogoan izan, ahaztu gabe
hau ez da Arraldeko goenkale
Erria txikota ta arrantzale
agur oriotarrak ta GOIKOKALE

















Aurreko urteko berriak: 2013, 2012, 2011, 2009, 2008

Eguneko argazkiak:


Eguneko bideoak:

Orioko bazkari honetara hainbatek ezin izan zuten etorri. Horietako batek (Onek) bertso eder batzuk idatzi zituen eta denon artean plazer haundiz kantatu genituen. Datorren urtean denok elkartuko gara sinfalta!!!!


Guretzako hau ez da plaza bat gehiago izaten. Tori gure oparitxoa bertso moduan. Gora Goikokale!!!!


2014/09/28

2014-09-28 Lauroetako San Migel jaiak

San Migel egunaren bueltan jaiak izaten dira leku askotan. Guk Loiuko parte den Lauroetara joateko aukera izan dugu.
Paraje ederra honelako egun bat pasatzeko!
Auzotarrek lana gogotik egin zuten gu eta bertaratu ginenak ondo baina hobeto egon gintezen, eta halaxe izan zen.
Eguerdi partean eguraldiak eguna goibeltzeko itxura hartu zuen, baina Lauroetarren eztarriek ez zuten horretan hutsik egin eta altxatu zuen eguraldiak.
Bazkalondoren han jardun genuen jo ta su kantuan lagunarte ederrean!

Akordatzerako bultzaka edo tiraka ari ziren itzainak idi-probari ekiteko.
Ondo segi Lauroetarrok eta segi horrela!

Loiun egindako aurreko emanaldi bat: 2014


Eguneko argazkiak:


Eguneko bideoak:
Gure artean Mungiako Mikel eta Julene trikitilariak ibili dira. Hori da hori indarra!




2014/09/27

2014-09-27 Ormaiztegin San Migel jaiak

Ormaiztegin lagun zaharrak ditugu eta afari honetan aukera paregabea izaten dugu haiek bisitatzeko.
Gustura joaten gara Ormaiztegira eta San Migel bueltan izaten den afarian giro paregabea aurkitzen dugu!

Aurten ere ederki pasa genuen karpa bete-betea ikusita eta jendea honela kantuan ikusita. Gaugiro aparta eta askotan aurkitzen ez den giro sanoa!
Ea berriz elkarrekin egoterik dugun!

Aurreko urteetako berriak: 2012, 2011

Eguneko argazkiak:

Eguneko bideoak:




2014/09/22

2014-09-21 Urretxun Euskal Jaia

Etxean jotzea erreza izaten da guretzat. Jendeak ederki erantzun zuen eta giro eta konpainia ederrean egon ginen!

Eskerrik asko denori!

Gora Urretxuko euskal jaiak!!!

Aurreko urteetako argazkiak: 2013, 2012, 2011, 2009, 2008



Eguneko argazkiak:



Eguneko bideoak:



2014/09/16

2014-09-15 Altsasuko jaiak

Astelehen batean afal ondoren jotzea ez da guk normalean egiten dugun emanaldia.
Altsasun gauerdiaren bueltan hasi genuen emanaldia. Karpan afaldu genuen ondo asko (eskerrik asko sukaldariei!!!!) eta kafe garaia iritsitakoan hasi ginen lanean.
Han ez zen txisparik piztu behar izan, piztuta zegoen aspalditik!!!
Karpan ordu erdi eder bat egin genuen eta jendeak ederki hartu zuen parte. Kantatu eta dantzatu gogotik egin zuen jendeak.
Ondoren plazara joan ginen eta han jardun genuen denbora luzez. Ederki ibili ginen eta hurrengo logureei aurre egingo geniola esanez agurtu behara izan genuen Sakanako herri eder hau.
Ea beste batean elkar ikusteko aukera dugun!


Eguneko argazkiak:

Argazki batzuk erreta daude. Dena den, jartzea erabaki dugu ze giro egon zen ikus dadin.


Eguneko bideoak:

2014/09/14

2014-09-13 Legutioko kofradiak

Bigarren urtez itzuli gara Legutioko Kofradia jaietara. Aurten ere bero haundia izan dugu zain eta eguerdi partea girotzea tokatu zaigu.
Giro polita zegoen kalean, bakoitza egonean gustura eta lagunarte giro ederra topatu dugu.
Plazan hasi dugu saioa eta jendeak itzala zuen gogoko, baina garesti zegoen itzalean tokia aurkitzea.

Kalean ibili gara batera eta bestera, eta halaxe ibili gara bazkal ordura bitarte.

Esneitz tabernan egin dugu azken saioa eta bertakoen partetik harrera beroa jaso dugu. Lerro hauen bidez eskertu egin nahiko genuke gurekin izan duten adeitasunarengatik. Horrela gustura itzuli gara etxera. Bai horixe!


Beste urte batzutako berriak: 2013


Eguneko argazkiak:

2014/09/08

2014-09-07 Orozkon San Antolin jaiak

Orozkora egin dugun bigarren bisita ere arrakastatsua izan da. Bat iluntzean hasi eta gauean bukatu genuen, San Antolin jaietan berriz, eguerdian hasi eta bazkal garaian bukatu beharra izan genuen.

Eguraldiak eutsi zuen eta giro ederra aurkitu genuen. Ederki pasa genuen eta igande eguerdian jaigiro ederrean ibili ginen. Herriaren alde batean hasi eta bazter gehienetan ibili ginen kantuan.

Segi horrela San Antolin jaiak ospatzen eta ea beste batean elkarrekin kantuan ibiltzeko aukera dugun!!!!

Aurreko berriak: 2013ko euskara eguna

Eguneko argazkiak:


2014/08/18

2014-08-17 Ondarroan arrantzale eguna

Beste urte batez Ondarroan Arrantzale egunez egon gara. Eguraldi ona lagun dena errezagoa izaten da eta aurtengoan ere giro ederra bizi izan genuen bertan.
Kofradia aldean hasi genuen saioa etabertara iristerako koadrilatxoa zain genuen kanturako prest.
Hasterako giroa bero-bero zegoen. Ederra jarduna egin genuena!
Akordatzerako Alamedara joan beharra izan genuen, besteen jarduerei lekua utzi behar baitzaie.
Alamedan jendeak goxo-goxo inguratuta beste kanta saio luze bat egin genuen. Eta han inor ez zen aspertzen!!!!
Ederki pasa genuen beste urte batez!

Aurreko urteetako berriak: 2013, 2012, 2011, 2010, 2009

Eguneko argazkiak:

Eguneko bideoak:



2014/08/10

2014-08-09 Getarian Salbatore jaiak


Aurten Getaria bisitatzeko aukera izan dugu Salbatore jaietan. Marmitako txapelketa antolatua zegoen eta marmitakoa dastatzeko aukera izan genuen zorionez.
Konpainia ederra izan genuen eta solasaldi ederrean geundela kantaldia hasteko girorik ez genuen sortu beharrik izan. Jendea kantuan zegoen dagoeneko.
Bero egin zuen eta ez dakigu getariarrek ondo kantatu zutelako edo zer... baina eguraldiak aguantatu zuen.
Ordu pasako saioaren ondoren gauzak jaso, atseden hartu eta kalera joan ginen kantura.
Giro ederra genuen eta halaxe jakinarazi ziguten Getariako traineruak Ondarroako bandera irabazi zuela.
Beraz, kantaldia 21:00etan arraunlarien etorrerarekin elkartu genuen. Udaletxera joaten lagundu genien eta herritarren harrera beroa eskaini zieten.
Honen ondoren beste tartetxo batean kalean ibili ginen nola bukatu ezin asmatuta ibili ginen.
Egun polita pasa genuen Getaria aldean!

Getarian aurretik jotako emanaldiak: 2014ko euskal jaia, 2008 Salbatoreak

Eguneko argazkiak

Eguneko bideoak:

2014/07/28

2014-07-26 Soraluzeko jaiak

Iaz joan ginen lehen aldiz Soraluzera eta aurten berriz joateko aukera izan dugu. Iaz Santio egunean izan zen eta aurten berriz Santa Ana egunean. Hasterako Arabatik etorritako dultzainari hirukoarekin egoteko parada izan genuen eta elkarrekin kalejiratxoa egitea erabaki genuen. Goiza bero zetorren eta bazkaltzerako kixkaltzeko zorian egon ginen. Itzala eta edana ez zen berehalako batean aurkitzen erreza!
Txandaka aritu ginen dultzainariak eta gu eta kalejiretan bikain aritu ginen elkarrekin. Beti da aberasgarria horrelakoetan ibiltzea eta polit joan zela iruditu zitzaigun.
Bazkaria txukun joan zen eta bazkalondorenak bazirudien ez zuela amaierarik!!!! Aspertu gabe kanta eta kanta ibili ondoren beste ekimenei txanda eman genian, gure gustura bukatuz.

Ederki pasa genuen beste behin ere!

Ondo segi jaietan Soraluze!

Eguneko berriak:

Beste berri batzuk: 2013ko jaiak


Eguneko argazkiak



Egunteko bideoak:









2014/07/19

2014-07-17 Antzuolako jaiak

2014ean beste behin ere Antzuolara joateko aukera izan dugu. Lagun ugari ditugu Antzuolan eta beti izan dugu harrera beroa, beti izan dira oso adeitsuak gurekin.

Uztailaren 17an bero ikaragarria egin zuen eta nahiz eta trumoia egingo zuela iragarri ederki aguantatu zuen eguraldiak. Jende ugari inguratu zen plazara eta giro ederra sortu zen afal garaian.

Lehenik kantu goxo batzuk jo genituen eta afalondoren hasi zen gure emanaldia. Kantu, parre eta adarjotzeak egon ziren eta akordatzerako "hontza" kanpandorretik behera zetorren jaien hasiera iragarriz...

Ondoren kalez-kale ibili gine jotzen eta jendea girotuta zegoenez, ez genuen zaila izan kantuan aritzeko. Etxeratzea zailagoa izan zitzaigun aurreko guztia baino.

Ondo segi festetan lagunok!

Aurreko urteetako berriak: 2013, 2012, 2011

Eguneko berriak, hontzaren jaitsierako bideoa eta argazki batzuk: Goiena

Eguneko argazkiak:



Eguneko bideoak




2014/07/03

2014-07-02 Zumarragan Santa Isabel eguna

Etxean jotzeak arriskua izaten du askotan, baina aurten ere eguraldiari kasu handirik egin gabe, jendeak ederki erantzun zuen.
Egun luzea eta gogorra izan ahal da, baina halare ederki pasa genuen.
Bazkaltzen Iruñeako Muthiko Alaiak peñako lagunak izan genituen eta han ibili ginen Antioko mahaiez mahai. Bi tronpetajole on eta jatorrak izan ziren gurekin. Poliki jantzi ziguten jaitsiera eta kantuei indar ederra eman ere bai.
20:30ean jaitsierarako prest geunden eta inoiz ez bezala dantzarien taldearen jarraian ibiltzeko aukera izan genuen.

Iburreta kanpoko giroari buruz esateko hitzik ez dugu. Ederra giroa! Ederki pasa genuen.

Eguneko argazkiak:


Eguneko bideoak:




2014/06/29

2014-06-28 Sopelan San Pedro jaiak

Goizeko beroak eguerdi aldera ez zuen jarraipenik izan eta gure Sopelako irteerak euria izan zuen protagonista.
Plaza Beltzan hasi genuen lehen saioa eta talde polita izan genuen lagun. Haizeak gogoz jo arren kantatzeko eta dantzatzeko aukera nahikoa izan genuen.
Ondoren taberna inguruetara joatea erabaki genuen. Gure ustez ondo kantatzen ari ginen baina berriro euria hasi zitzaigun goitik behera.
Aterpeak aprobetxatu behar izan genituen geure kantu jaiarekin aurrera jarraitzeko...
Bukaeran talde polita inguratu zen gurera eta beste saio eder bat egin ahal izan genuen.
Ederki pasa genuen!
Ea beste batean elkar ikusteko aukerarik dugun!

Eguneko argazkiak:


2014/06/21

2014-06-21 Herri opera Urretxu-Zumarragan


Urretxu-Zumarragan ekainaren 21ean Herri Opera izeneko emanaldi erraldoi bat egon zen.
Herriko 500 lagun inguruk hartu zuten ikuskizun honetan parte eta Bentazaharreko Mutiko Alaiak taldekook geure aletxoa jartzeko ahalegina egin genuen. Hara Nun Diran kantua kantatu genuen koruen laguntzarekin.

Bi saio izan ziren (19:30ean eta 22:30ean) eta esperientzia polit bat elkarbanatzeko aukera.

Lagun zahar ugari berriz ikusteko aukera eta ondo pasatzeko tartea ere bai. Ea horrelakoek jarraipena duen, nahiz eta gauza erraldoi hauek eguneroko proiektu txikiak dituzten oinarri, eta azken finean txiki hauek dira ezinbesteko eta herriaren hauspoa.

Eguneko berriak: Goierriko HitzaDV, Josu Maroto, ETBren berria


Promozio bideoa:


Ikuskizuna:






2014/06/15

2014-06-14 Urrestillan San Joanak

20 urte badira lehen aldiz Urrestillan irten genuela. Saio inprobisatu eta ganberro horrek forma aldatu duela nabaria bada ere gusto bat da herri hau bisitatzea.
Arratsaldeko krosa bukatu ahala hasi genuen gure saioa. Kalebarrenetik hasi eta plazara bueltatxo bat lehenik, ondoren kale txikira eta akordatzerako afalordua iritsi zitzaigun.
Afari ederra egin ondoren kalera. Tenperatura goxoa eta kalegiro goxoagoa.
Lagun zaharrak eta lagun berriak inguruan 2:00etan erretiratu arte ibili ginen!
Segi horrela lagunok!!! Datorren urtean berriz!!!!

Eguneko berriak: Uztarria,

Aurreko urteetako berriak: 2013, 2011

Eguneko argazkiak:


Jaione Olazabal laguna dugu eta kantatzeko eskatu genion, baita animatu ere!
Ederra kantakera eta plazer bat honelako jendean aldamenean izatea. Honatx utzi zigun perlatxoa bideoan:

2014/06/01

2014-05-31 Getarian Euskal Jaia

Zaila izango zaigu 2014ko Getariko Euskal Jaia ahaztea. Eguna goibel somatu genuen egun guztian zehar, baina trikitilariek txapelketa bukatzerako jaso egin zuen eguraldiak.
19:30ean hasi ginen kantuan eta hasi orduko hantxe gerturatu zitzaigun koadrila eder bat. Haur, gazte eta ez hain gazte inguruan izan genituen lagun iluntze osoan zehar.
Udaletxeko plazan hasi eta kalian gooora lehenengo, ondoren Elkano kalian beeeehera eta bukatzeko kale nagusian gooora!!!!
Kantatu eta dantzatu egin genuen aspertzeko astirik gabe, bazirudien jendeak ez zuela etxerako gogorik, ezta afaltzeko gogorik ere!!!!
Eguraldia lagun izanda eta horrelako lagun talde ederra inguruan izanda eskerrak ematea besterik ez zaigu gelditzen.


Eguneko berriak: Hitza, Getariako udala, DV    

Eguneko argazkiak:



Eguneko bideoak:





2014/05/25

2014-05-24 Eibarren Euskal Jaia





2014ean lehen aldiz hurbildu gara Eibarrera emanaldi bat ematera. Aitzakia edo arrazoia, hau da, euskal jaia eta euskarak gure helburuekin bete-betean egiten du bat.
Arratsaldeko 18:30ean hasita Eibar goitik behera zeharkatu dugu kalejiran. Hasi Untzaga plazan eta Urkizu plazaraino hainbat geldialdi eginez. Ondoren berriz Untzaga plazara, baina beste kale batzuetatik itzuli gara eta esan liteke eguneko leloa "jira jira, goazen kalejiran!"izan dela.
Izan dugun harrera ederra izan da, kantu talde bikaina uneoro atzetik izan dugu eta oinarri hori izanda dena errazagoa izaten da.
Egoera bakoitzera nahikoa ondo moldatu garela iruditu zaigu, Urkizu plazan umeei eskainitako kantuak jo ditugu eta hasieran klasikoagoak eta bukaeran "berriagoak".
Herria Eibarko futbol taldearen koloredun banderez dotore jantzia dago eta ederra litzateke biharko euskal jai eguna lehenengo mailako sariarekin amaitzea.
Ea berriz elkarrekin izateko aukera dugun...

Eguneko argazkiak:



2014/05/11

2014-05-10 Gu Bilbon kantari


Maiatzaren 10ean Bilbora joateko parada izan genuen jotzera. Behin etxeko lanak egin ondoren alde zaharrera joatea erabaki genuen eta bertan osteratxo txiki bat egitea.
Plaza Berriko txoko batean hasi ginen kantuan eta talde politta inguratu zitzaigun kantuak kantatu ahala.
Ondoren lagun ditugun Bilbo Kantariko lagunak kalean zebiltzala aprobetxatuz, guregana batu ziren eta elkarlan ederrean kantu eta kantu ibili ginen uste baino luzeago.
Bazirudien inork ez zuela kalera joateko presarik...
Honela kalean ibiltzea ederra da benetan! Jende asko, umoretsu, kantuan eta gainera euskaraz!
Ea laster elkar ikusteko aukerarik dugun...

Bilbo kantari

Eguneko argazkiak:



Eguneko bideoak:







2014-05-10 Bordele-Bilbo 2014

Maiatzaren 10ean Bilbora abiatu ginen ekimen berezi batean parte hartzera.

Bordeleko euskual etxeko lagunen ekimenez kirola eta kultura uztartu zituen ibilaldia antolatu zuten. 3 etapetan Bordeletik Bilborako ibilbidea egin zuten.

Guk ibilaldiaren amaieran genuen zita eta halaxe bertaratu ginen.

Ez genuen nekerik somatu han inguratu zirenen artean. Jana eta edana eta lagun artea nahikoa izaten dira giro goxoa sortzeko.

Bertaratu zirenek kanta, dantza eta momentu atsegin bat pasa zutelakoan gaude.

Horrelakoek batu egiten gaituzte eta honelakoak egiten direla poza ematen du.

Eguneko berriak: euskalkultura.comEuskal etxea

Eguneko argazkiak:





2014/01/26

2014-01-25 Loiun III. putxera lehiaketa

Aurtengo urtarrilaren 25ean Loiura joateko aukera izan genuen. Egia esateko, uste baina gauza gehiago ikasi genituen. Gure inguruan "putxera"ren kultura ez genuen ezagutzen eta zer zen ulertzeko ikaragarrizko parada izan genuen.
Herrian kokatu ginenerako hasteko ordua iritsi zen. Gurekin bateratsu Altsasuko momotxorroak hasi ziren beraien saioarekin. Hauek festa odolean daramate eta mozorro ikusgarriak jantzi zituzten. Beste aukera polit bat gure kulturaren zati bat gehiago ezagutzeko.
Euria goitik behera gogotik egiten zuenez eguerdiko jira tabernaz taberna egin beharra izan genuen, eta tabernen barruraino sartzea besterik ez zitzaigun geratu.
Poliki-poliki giroa berotu zen eta jendearen lanerako griña eta gogoak ikusi ahal izan genituen.
Akordatzerako bazkaltzeko ordua iritsi zen, eta txintxo-txintxo bakoitzak bere mahaira joan behar izan genuen.
Tertulia ederrean ibili ginen eta ondoren bazkalondorena girotzea tokatu zitzaigun.
Ederki portatu ziren frontoira hurbildu ziren 400 lagunak. Giroa berotu eta dantza eta kanta nahikoa izan genuen.
18:00etan epaileen epaia zetorren eta hor putxerek hartu zuren protagonismoa.
Egun ederra igaro genuen!

Ea beste batean elkar ikusterikan daukagun!

Eguneko berriak:

Eguneko argazkiak:

Eguneko bideoak: