2009/12/20

2009-12-21 Arrasaten Santamasak

Abenduaren 21ean, Arrasateko egun haundiaren bezpera izan ginen.
Hotzari aurre egin behar izan genion, baina ederki pasa genuen.
Adin guztiko jendearekin izateko aukera izan genuen.
Hasieran haur eta gaztetxoak izan genituen lagun herriko plazan eta ondoren kaleetan zehar adin eta kolore guztitako jendea izan genuen gurekin.
Giroa berotu genuen eta ia-ia gustoen geundenean etxera joateko ordua iritsi zitzaigun.
Arrasate ez genuen ezagutzen eta arrasatearrek gu ere ez. Orain badaukagu elkarren berri. Espero dugu aukera gehiago izatea bertaratzeko eta gutxien-gutxienez egun honetan bezalaxe pasatzea.
Ondo pasa Santamasak eta urte berri on!

Eguneko argazkiak:


Eguneko bideoa:


Berri gehiago: mondraberri, kulturweb, agenda DV

2009/12/16

2009-12-12 Urretxu-Zumarraga

Joan zen abenduaren 12an, Urretxu eta Zumarragako dendariek antolatutako merkatarien astearen barruan jotzeko aukera izan genuen.
Herrietako dendak bizirik badaude seinale herri hori bizirik dagoela eta bizitza kantuaz alaituta ederragoa denez, hantxe ibili ginen batera eta bestera.
Santa Lutzi bezpera tokatu zen eguna eta eguraldi hotza bazegoen ere giroa berotzen joan zitzaigun ardo dastaketan eztanda egin zuen arte.
Etxean jokatzeak hori dakar eta ederki ibili ginen gure lagunekin.
Horra hor eguneko irudi batzuk







Berriak: otamotz.com, donostia turismoa, Noticias de Gipuzkoa,

2009/11/29

2009-11-28 Zigoitia

Joan zen azaroaren 28an Araba bisitatzeko beste aukera bat izan genuen. Oraingoan, Zigoitian Ondategiko herrian izan ginen.
Arratsaldean haize fin-fina izan genuen lagun. Kalean ordutxo bat egin genuen frontoiaren kanpoan. Ondoren Artzategi tabernan sartu ginen eta han egin genuen azken ordua.
Han tenperatura aitzakia ez zen eta eztarriak berotu nahi zituenak han zituen aukera denak.
Txistulariak lagun izan genituen eta haien laguntzarekin 3 kantu kantatzeko aukera ere izan genuen.
Giro ederra eta guk-geuk fenomeno pasa genuen.
Beste behin ere badakigu Araban ongi etorriak garela eta kantatzeko zaletasun alaia dutela.
Ondoren eguneko irudi batzuk:



Eguneko berriak: Zigoitiako udala

2009/10/12

2009-10-12 Durangon San Fausto jaiak


Joan zen urriaren 12an Durangoko San Fausto jaietara hurbiltzeko aukera izan genuen.

Hasiera zaila izan genuen. Arazo teknikoekin bertaratu baikinen azoka lekura. Presak eta jendeak alde egin izana hasiera motela ekarri zigun. Dena den, bazkaltzen ari zen jendearen umorea txalotzekoa iruditu zitzaigun. Guretzat lehiaketan denak izan ziren txapeldun!
Ondoren, indarrak hartu eta kalean gora eta behera ibiltzeko aukera izan genuen. Goienkalen hasi ginen eta jendez gainezka egonik nahiko errez lortu genuen taldetxoa geureganatzea. Fidel mantendu ziren asko eta asko eta gustura asko ibili ginen egia esan behar badugu. Poliki-poliki bagoaz Bizkaia "ezagutzen" eta ea gehiago hurbiltzeko aukera izaten dugun.
Eguneko argazkiak ondoren:



Berri gehiago: egitaraua,

2009/10/11

2009-10-11 Orioko Goiko-kaleko jaiak


Bosgarren urtez hurbildu ginen Orioko Goikokalera.

Gure hasiera eta jai hauen hasiera ia-ia batera hasi ziren, horregatik dugu horrelako harreman berezia hango jendearekin.

Bertan urtero bezela ez ziguten hutsik egin hainbat eta hainbat lagunek. Huts egin zigun bakarra eguraldia izan zen. Dena den, festarako gogoa dagoenean eguraldia erraz ahanzten da.
Bi estalki jarri zituzten kalean eta di-da hasi zen festa giroa. Bazkal aurretik motorrak berotu, bazkaritan barrenak eta bazkalondoren eztarriak eta oinak berotu genituen. Ederki pasa genuela esan behar dizuegu antolatzaileoi eta aurrerantzean ere horrela jarraitzeko eskatu!
Mirotz leinua datorren urtean horrela edo hobeto aurkitzea espero dugu.

Onak izan eta hurrengo bat arte

Eguneko irudiak ondoren:





Berri gehiago: Hitza, DV, oriora.com


Iazkoa gogoratu nahi duzuenontzat, hona hemen orduko kronika:
Klikatu hemen

2009/10/09

2009-10-09 Elgoibarren Gotzon Garateri omenaldia

Joan zen urriaren 8an Gotzon Garate gure artetik joan zela urtea bete zenez, omenaldia egin nahi izan zioten Elgoibartarrek.
Gure helburuetako bat euskaraz jardutea denez, bat izango gaitu Gotzonen arrastoa segi nahi duen orok.
Hori horrela, Elgoibarren oso fidela dugun taldearen ahotsen laguntzaz gure omenalditxoa egiteko aukera izan genuen.
Kalean nahastu ginen eta bere jaiotetxearen azpian 2 kanta hunkigarri kantatu genizkion. Imanolen "Mendian gora" eta Xabier Leteren "Xalbadorren heriotzean". Gure omenalditxoa horrela izan zen, inongo haundinahirik gabe, baina zegokion begirunearekin.
Guretzat ohore bat eta plazer bat izan zen beste behin Elgoibarko herriari bisita egitea.
Jarrai horrela lagunok eta hurrengo bat arte.
Eguneko irudiak klik hemen



Berri gehiago eta egitarauaren berri izateko: elgoiBARREN.net, Elgoibarko udala ,DV, DV2,

2009/09/23

2009-09-26 Laudion euskal jaia

Joan zen irailaren 26an Laudioko euskal jai egunean izan ginen.
Arabara salto egiten genuen laugarren aldia zen eta aurrekoetan bezala, oraingoan ere herrialde honek ez zigun hutsik egin.
Asteburu horretarako hainbat ekitaldi antolatu zituzten euskararen inguruan eta tartean egun nagusia larunbatekoa izango zen. Bertan goizeko 9:00etan hasita auera arte hainbat eta hainbat gauza egon ziren.
Tartean Bentazaharreko Mutiko Alaiak taldekook euskaraz eta ondo pasatzeko plana proposatuko genuen eta hein batean lortu genuela esan dezakegu.
Eguerdian eta bazkal aurretik 2 orduz ibili ginen kalean eta jendeak azkenerako ederki erantzun zuen. Kanta eta dantza egin zuen jendeak gogotik!
Hortik bazkaltzera joan ginen (bazkari ederra egia esan) eta 800 lagunek lagundurik jai ederra izan genuen.
Aipatu behar beheko argazkietan lagun izan genituen trikitilariek ere lan fina egin zutela.
Hortik aurrerakoak etorri bezala egin genituen eta eguna luze joango zen bat baino gehiagorentzat.
Datorren urtean beste zita bat izango du Laudiok euskararekin.
Bizi euskaraz!



Eguneko berriak: Noticias de Alava,
Informazio gehiago: egitarau osoa, laudiotarra blog, Zaraobe, Zuin, Laudiokojaiak.com,

2009/09/14

2009-09-20 Urretxun Euskal Jaia


Joan zen, hilaren 20ean Urretxun izan ginen.
Etxean jokatzeak aldeko eta aurkako gauzak izaten ditu.
Eguerdian, 13:00ak aldera hasi ginen bazkaltzeko garaia iritsi arte talde ederra izan genuen lagun.
Eskerrik asko guztiori eta datorren urtean gehiago eta hobeto.


Esan behar dugu, argazkiak Bentazaharreko Mutiko Alaiak taldekoak atera genituela eta beste batzuk Joaquin AntoƱana lagunak emandakoak direla.
Eskerrik asko esan nahi dizugu lerro hauen bidez.

Berri gehiago: egitaraua,

2009/09/07

2009-09-12 Elorrion Ferixa Nausikoak

Joan zen zapatuan, irailaren 12an Elorrion izan ginen kaleetan zehar kantuan.
Sukalki eguna izan zen eta bazkari herrikoiaren ondoren 17:30ean izan genuen hitzordua Aldatzekuan.
Bertan, giroa berotzeko lanetan ibili ginen. Zuhaizti eder eta goxo hartan ibili ginen 19:00ak arte eta gero kalerako saltoa egin genuen..
Kale estuak ezin aproposagoak dira kalean kantuan ibiltzeko. Elorriok honelako kaleak baditu eta eztarri sendodun herria dela demostratu zigun. Kalera irten orduko talde ederra ibili ginen eta kontzertu bat izan gabe kalean festa giroan kantuan ibili daitekeela ikusi genuen.

Giro aparta eta ederki pasa genuen. Bukaera hunkigarria eta beste batean elkarrekin egongo garelakoan agurtu behar izan genuen elkar.

Elorriokoak beste puntu berezi bat izan zuen. Aspalditik ezagutzen bagara ere gurekin Arantzazu ibili zen lehen aldiz kalean jotzen. Ederki pasa zuela zionez, ea hurrengo batean ere hala den.

Eguneko irudiak ikusteko hemen behean dituzue guk jaso genituenak:



Berri gehiago: elorrioko udala,

2009/08/24

2009-08-30 Bakion San Joan Dolozak

Joan zen igandean, abuztuaren 30ean iluntzeko 20:30etan hasita, txoznetan, izango ginen kantuan Bakioko hainbat eztarri lagun izan genituelarik.
Hasterako jendea zain genuen eta erantzun polita jaso genuen hasi eta berehala. Bakoitzak bere liburua hartu eta hantxe izan genituen zintzo-zintzo luzaroan.
Kantatu bai baina dantza jotzen hasi orduko dantzari finak ditugula frogatu ahal izan genuen. Hango hankak gora nola egiten zuten ikustea gauza ederra da.
Gehientsuenei oporrak bukatzen ari zitzaigun eta Bakioko plana, plan ederra izan zen uda-giro honi agur esaten hasteko.
Bakion kantuzalean badaudela frogatu genuen eta ea hurrengo batean ikusteko parada dugun.

Eguneko argazkiak:



Festetako egitaraua eta berriak ikusteko: Bakio.org , Berria, El Correo,

2009/08/17

2009-08-17 Ondarroan arrantzale eguna


Ondarroara joateko aukera izan genuen joan zen abuztuaren 17an ospatu zen "Arrantzale egunean".

Gauza ugari ikusi eta bizitzeko aukera izan genuen eta azkenean etxera gustura bueltatu ginela esan beharrean gaude.

Batetik, gure taldean Leire Ibarzabal izan genuen debutante bezala.
Ongi etorri kantuzale garenon taldetxora eta ez dadila abentura hau laster batean bukatu!

Bestetik, euria izan genuen lagun arratsalde ia osoan zehar. Abuztuan ere ez gaude libre ez. Zergatik izan ote zen, gaizki kantatu genuelako agian??? Guk uste dugu hori ez zela horrela izan, ez alajaina.
Eguraldiari jaramonik egin gabe ederki busti zen jendea eta ez zuen amore eman. Liburuak hartu eta parte hartzeko gogoa majo nabari zen. Amaieran karparen barruan goxotasuna aurkitzeko parada izan genuen eta konpainia ederra izan genuen.
Ondarroan eztarri onak daudela frogatu ahal izan genuen.

Guzti hauek ikusita hainbat argazki biltzea lortu dugu eta ondoren izango dituzue ikusgai:




Bideo bat ere bai:



Berri gehiago: Berria ,

2009/07/05

2009-07-04 Usurbilen Santixabelak

Joan zen uztailaren 4ean Usurbilera egin genuen bisita.

Hasiera ordua ez genuen gehiegi errespetatu eta lehenik eta behin barkamena eskatu beharko diegu bertan, fin-fin zain izan genuen kantuzale taldeari.

Horrelako jendearekin ez da ez berehala galduko kantatzeko griƱa.

Goizeko saioa musikalki oso ederra izan zen guretzako. Goxo-goxo jardun genuen eta auzoz-auzo ederki pasa genuen.

Goizaren amaieran Usurbilgo elizari kantatu genion eta plazan jende gehiago hurbildu zitzaigun. Kanta eta dantzarako aukera izan genuen. Eztarriei eta oinei deskantsua eman geniolarik tarteka-marteka.Bazkari ederra eman ziguten herri bazkarian. 260 lagunen tokian 320k bazkaldu omen genuen.


Ondoren denak ilaran jarri eta liburuxkak erosi zituzten. Horra hor argazkia. Hau ez zaigu ez toki askotan pasatzen...


Eta kantatzeko eztarriak busti behar direnez herrenkadan eman zuten pattarra antolatzaileek (goiko irudian agertzen den moduan).

Bazkarian denak txintxo-txintxo egon ziren mahaietan eta ekinaldia bukatutakoan, mahaiak jaso ziren di-da batean. Denek gutxi eginda nahikoa dela demostratuz.

Ondoren plazan eta Mikel Laboa plazan egin genituen bi geldialdi. Amaiera ederra emanez eta eguna borobilduz.


Eguneko irudien bilduma jarraian duzue. Ikus-ikus:



Eskerrik asko parte hartu zenuten guztioi eta haurdun dagoen biolinista horren ondo zaindu zenuten horiei.

Hurrengo batean gehiago eta hobeto. Jarrai ezazue Usurbil euskaraz eta kantuz zipriztintzen, merezi du eta!!!

Ondo amaitu jaiak!!!!



Usurbilgo Santixabel jaien egitarau osoa Berri gehiago: noaua, kulturweb, DV,

2009/06/29

2009-06-28 Zuia Euskaraz (Murgian)


Gaur Arabara joateko aukera izan dugu eta sorpresa ederra jaso dugu.
Zuiara inguratu garenean kanpotarren ikuspegi eta aurreiritziekin joan gara. Egia esan, ez genekien zer aurkituko genuen baina hori bai, horrelako girorik ez genuen espero.
Gu inguratzerako etxeko lanak eginak zituen batek baina gehiagok eta ez dugu lan handirik izan giroa berotzen.
Jaia nagusi izan da eta kanta eta dantza gogotik egin dugu.
Euria hasi zaigu eta frontoi barruan sartu behar izan dugu. Hango sonorizazioa ez da batere egokia gure ekitaldientzat eta atertu bezain pronto alde egin dugu handik. Pelotazaleak bagara ere, frontoiak pilotan jokatzeko dira eta ez kontzertu baterako.
Ondo pasa dugu eta euskarak ibilbide luzea izango al du Zuia aldean???
Lehengaia behinik behin badago. Segi horrela lanean!



Egunean zeharreko argazki gehiago ikusi nahi badituzu klikatu hemen.
Eguneko informazio gehiago: zuia.com , Noticias de Alava,

2009/06/28

2009-06-27 Zumaian San Pedroak


Ekainaren 27an Zumaian San Pedro Jaiak zirela eta oilasko erre jana antolatu zuten afari gisa.
Lehen urtea zen horrelako zerbait antolatzen zutela Kantauri plazan.
Bertaratu zirenekin kantuan ibili ginen utzi ziguten arte, hau da, jaietako egitarau mardulak ordutegi estuak izaten ditu batzuetan eta 22:30ean mariatxiak zain-zain izan genituen.
Denbora di-da joan zitzaigun eta akordatzerako mariatxiak bultzaka genituen. Bukaerako txalo zaparradak gorputzaldi ederra utzi zigun. Giro ederra eta tenperatura ezin hobea.
Aitzakiarik gabeko iluntzea pasa genuen.
Ez zen Zumaia bisitatzen genuen lehen aldia.
Berriz ere bueltatzeko aitzakiarik ez daukagunez, ea laster batean bertaratzerik dugun.





Berri gehiago: Baleike.com, zumaia.net, DJon bloga ,

2009/06/14

2009-06-13 Gorlizko III. Dantzari txiki eguna


Joan zen ekainaren 13an, 2 gauza egiten saiatu ginen, dantza eta kantua uztartzen.
Gorlizen III. Dantzari Txiki Eguna antolatu zuten Aratz dantza taldeko kideek.
Egun sargoria izan genuen aukeran baina terrazan eserita egoteko eta bide batez bustitako eztarri horiek lanean jartzeko giro ederra izan genuen.
Horren adibide bezala hemen behean dituzuen eguneko irudiak.




2009/06/07

2009-06-07 Bergaran eskola publikoaren jaia


Bergaran egun ederra pasa genuen eskola publikoaren jaian. Eguerdiko 12:00etan duda-mudatan ibili ginen non jo eta nola asmatu. Batean dantzariak, hurrengoan musikariak, bestean antzerki taldea. Gure lekua topatu arte batera eta bestera ibili ginen, baina, denborarekin aurkitu genuen gure txokoa eta gure publikoa.
Eguraldi ederra eta egonaldi ederra egiteko aukera ematen duenez Bergarak bertan egon ginen 3 ordu pasaz.
Jendea gustura egon omen zen gurekin eta lerro hauek aprobetxatu behar ditugu gure ondoan fidel izan genituen Ibon Bilbao eta konpainiari eskerrak emateko. Behean dauden irudiak beraiek hartuak dira eta hor isladatzen da ederki bertan bizitakoa.



Amaieran plaza aldera gindoazela Korta-Zahar tabernan egin dugu geldialditxoa eta bertako jabeari bihotz-bihotzez eskerrik asko. Ordua halaxe zen, baina urdaiazpiko hura eta ogi egin berri hura ez zaigu puxka batean ahaztuko!!!!!
Ederki ibili gara Bergaran, bai alajaina!!!
Ea errepikatzerik dugun, kale egokiak eta eztarri ezin egokiagoak aurkitu baititugu!!!


2009/06/02

2009-06-02 Berriozarren kurtso amaiera maiatzaren 30ean

Joan zen larunbatean Berriozarren izan ginen bisitan.
Besteak beste, lagun zahar bat izan genuen zain-zain eta lagun koadrila ederra inguratu zuen kurtso amaiera dela eta.
Mendialdea Guraso elkarteak egitarau mardula prestatu zuen kurtso amaiera hau ospatzeko eta eguraldiak lagun ederki pasa genuen egun osoan zehar.

Eguneko egitaraua hau izan zen:
11:30ean “Ehunzango baten ipuinak. Kantuz doaz batzuk, eta beteak, buruz” 9 urte arteko haur antzerkia ikusgai izango da Mendialdea Eskolan, Musika Eskolak antolatua.
12:00etan parte hartzeko Herri Kirolak. 9 urtetatik aurrera.
13:00etan Esku-tailerrak
14:00etatik aurrera Herri- bazkaria, Foruen pasealekuan.
Kantaldia 16,30etatik aurrera...

Kantaldia azken platera bazen ere lanean fin ibili ondoren ondo pasatzeko indarrak zituztela demostratu ziguten.

Nafarroan ez gara asko ibiltzen eta horrelakoak oso gustuko izaten ditugu. Bejondeizuela eta horrela jarrai!








Egun horretako berri gehiago: eguzkiplaza.net

2009/05/10

2009-05-15 Zumarragako Eitzagan jaietan kantujira

Eitzagak ez du aurkezpen beharrik Urola Garaian bizi den edonorentzat.
Dena den, ez dakienarentzat gaur egun Zumarragako auzo bat dela esango dugu. Gure taldean 3 lagunek lotura berezia dugunez jai hauetan parte hartzea halaxe kontsideratzen dugu.

Ostiralean, San Isidro egunean, patroiaren egunean alegia han izan ginen arratsaldetik gauerdira arte. Hein batean etxean jokatzen genuenez bagenekien ingurukoak nolakoak ziren eta horrek dituen abantailak eta desabantailak ikusirik balorazio ona egin genuen. Arratsaldean tenperatura ederra egin zigun eta majo kantatu genuen. Iluntzean berriz luxuzko afaria eta konpainia ederrean gainera. Han zegoen nahasketa eta pluralismoa nekez lortuko ditu gaur egungo lehendakariak ere!!!
Trikitilariekin txandatuz gau erdira arte ibili ginen eta erretirada ustez garai egokian egin genuela pentsatzen dugu. Hori bai, gauak ederki freskatu zizkigun barrenak. Ahaztuta geunden oraindik maiatzean gaudela.
Antolatzaileei zorionak eta eskerrik asko! Jarrai horrelako jaiak antolatzen umorea sintoma ederra da eta!!!






De Eitzagako bideoak
Irudian klikatuz gero bideo ikusteko aukera izango duzu. Merezi du
Jaietako egitarau osoa jakin nahi baduzu hemen klikatu

2009/04/29

2009-05-03 Berriatuan San Gregorioak

Maiatzaren 3an Berriatua ezagutzeko parada izan genuen.
Hasieran eguraldi beroa eta giroa hotz izan genuen. Honelako herri batek horrelako plazarik izango zuenik ez genuen uste!!!!
Paellak gain hartu zigula zirudien eta Valentziara kopako finalerako erreserbatzen ari ginela zirudien.
Athletic-en partida bukatu arte ezin izan genuen remontadaz gozatu. Despistatuentzat enpatatu egin zuen...
Atsedenaldiaren ondoren leku goxoago batera joan ginen eta han kantuzaleez inguratuta beste kontu bat izan genuen. Giro ona eta gozatua hartu genuen. Igande arratsalde baterako ez zen ez plan txarra izan!!!!



Bideoan momentu eder batzuk:



Gogoratu festak ez direla amaitu eta oraindik badagoela festan jarraitzeko aukera.
Egitaraua ikusi nahi duenak hemen du oso-osorik.

2009/04/06

2009-04-05 Gasteizen Korrika ongi etorri eta gero arte!

Korrikak 16. aldiz bukaera borobila eman zion apirilaren 5ean. Guk, bertan gonbidaturik egoteko aukera edo pribilegioa izan genuen.
Eguraldia ederra, bukaera hunkigarria eta bertan sortu zen giroa...
Landatxon bazkaldu genuen eta han kale animazioko taldeek girotu ziguten jatordua.
Hau artista mordoa izan genituenak inguruan!!!!
Segi horrela gaztek!!!
Bazkari ederra barneratu ondoren bazkaloste ederra izan genuen. Kantua eta dantza nahastu zitzaizkigun eta orduak aurrera joan ahala tenperatura igotzen joan zen (Siberia-Gasteizen hori lortzea ez da makala).
Hortik aurrera aiztogile (kutxi) kalean ibili ginen jendearen laguntza beroarekin.
Han bizitakoak ikusi ondorengo lehioan.

2009/03/30

2009-03-30 Elgoibarko Debabe euskaltegiari zorionak!!!

25 urte pasa dira Debabe lanean hasi zela (Mutriku, Deba eta Elgoibarko euskaltegien batura) eta tamalez beste hainbeste pasa beharko ditu lanean, euskara jende gehiagori erakutsiz. Joan zen larunbatean aitzakia hori harturik elkartu ziren bertatik pasatako irakasle, ikasle eta lagun zenbait.
Kantua, dantza, barrea eta tertulia izan ziren nagusi. Festak luze iraun zuen batzurentzat eta ez da seinale txarra. Euskararen lehia luzea eta konstantea denez ea orain bezain fresko jarraitzen duzuen!!!



Informazio gehiago: Debabe blog , udaleuskaltegiak.net , DV
Eguneko kronika: Blogari , Blogari1

2009/03/29

2009-03-27 Leioan kantu kantari korrika kulturalean

Joan zen martxoaren 27an Leioan izan ginen.
Korrika 16aren barruan korrika kulturalak antolaturiko kantu afarian parte hartu genuen eta bertan pasatako orduak hemen laburbiltzea ezinezkoa zaigu.
Egia esan behar bada, arratsaldeko 19:00etan Ikeaberrin aurkitutako giroa hotza izan genuen, baina orduak aurrera egin ahala tenperatura ederki igotzen joan zela esan beharko dugu.
Kantu poteoa luze joan zitzaigun eta ia-ia afaldu behar genuela ere ahaztu egin genuen. Banako-binako inprobisatuak eman zion bukaera arratsalde parteari.
Honela bada, Betiko ikastolaren jantokian afaldu genuen 130 lagun inguruk. Ederra giroa. Kupela!!! batzuek, Hik lan eta nik jai!!! besteak...
Afal ondoren taldeak banan-banan igo ziren oholtza gainera zuten arte guztia erakustera. Kantatzea da gure helburua eta euskaraz izateak ematen dio balio erantsia. Biak uztartuta eta giro jatorrean bada, ikaragarria!!!!
Gure partetik eskerrik asko BerbalamiƱeko lagunei bertara gonbidatzeagatik. Lanean segi dezazuela eta ea berriz ere elkarrekin egoteko aukera izaten dugun!


Bukatu baina lehen, eskerrik asko Txomin, gure erreportari inprobisatuari. Argazki mordoa atera eta sareratzeko aukera izan baitugu berari esker!!!
Hurrengo bat arte

2009/03/12

2009-03-07 Donapaleuko ihauterien ondorena

Aurtengo martxoaren 7a data polita izan da Bentazaharreko Mutiko Alaientzako.

Lehen aldia izan da talde moduan Behe Nafarroara joan garena eta ederki pasa genuela aitortu behar dugu.

Gazi-gozoa izan genuen hango hasierako martxa. 5 kidetatik 4k bakarrik joan ahal izan genuen baina Kilimon taldearen 20. urteurrenak merezi zuela pentsatzen genuen eta pentsatzen dugu!!!!
Zorionak bide batez !!!

Egitaraua bete ondoren zera ondoriozta dezakegu. Donapaleun asko jaten dute eta besta egiten ederki dakite!


De Donapaleu

De Donapaleu

De Donapaleu

Bideo gehiago ikusteko klikatu hemen

2009/03/07

2009-03-07 Donapaleun ihauteriak

Datorren martxoaren 7an Donapaleura joango gara. Bertan Amikuzeko Kilimon taldeak festa antolatu du. Besteak beste Urretxuko Lekaio Kultur elkarteko erraldoiak joango dira eta gu, Bentazarreko Mutiko Alaiak bertan izango gara.
Nahi duenak Behe Nafarroako herri eder horretan izango gaituzue.
Eguneko egitaraua hau izango da, beraz, festa eta giro ederra nahi duenak badaki nora azaldu:

10.00: hamarretakoa
11:00-12:30: kalejira erraldoiekin
13:00-13:30: bazkaria
16:00 : ihauteri ibilaldia-kalejira (joaldunak, erraldoiak,…)
17:30 : txokolatada
19:00 : aperitiba
20:00 : afaria eta ondoren animazio jaia (bentazaharreko mutiko alaiak-dantzariak…)…
Goizeko 02:00etan ate-ixteak… gero gaztetxerat edo lo…. lo…

Barnekaldetik bloga

2009/02/23

2009-02-21 Hernaniko ihauterietako aje gozoa



Otsailaren 21ean, ihauterietan Hernaniko San Joan konpartsarekin ibili ginen egun osoan zehar. Konpartsa honek urte osoa pasatzen du lanean. Urtea ihauteriekin hasten dute, ondoren San Joanetarako lanean hasten dira eta urtea San Tomas eta Olentzerorekin bukatzen dute.
Ez dira geldi egotekoak ez. Honela bada, Martxa eta giro ederra izan genuen egun osoan zehar.



Eguneko 2 bideo:




Eta eguneko hainbat argazki
Eguneko kronikak: Hernaniko kronika , Hernaniko kronika1, DV,

Bezperako informazioa sarean: Ihauterietako egitarau osoa / Kulturweb / Hernaniko kronika /Noticias de Gipuzkoa

Bentazaharreko mutiko alaien argazki galeria

Zerbait esateko baduzue esan azpiko "comentarios" atalean mesedez

2009/02/21

2009-02-21 Hernanin ihauteriak


Ihauteriak direla eta lagun zahar batzuei bisita egitera joango gara Hernani aldera laster batean. Martxosoak eta jende jatorra direla erakutsi digute azken 3-4 urte hauetan eta giro ederrera joatea ez zaigu batere kostatzen.

Beraz, kantatu, dantzatu eta ongi pasa nahi duenak ihauterietako larunbatean zita dugu goizean hasita Hernaniko kaleetan



Ihauteriei buruzko informazio gehiago.



Zerbait esateko baduzue esan azpiko "comentarios" atalean mesedez

2009/01/20

2009-02-05 Beasainen San Martin Loinazkoa


Joan zen otsailaren 5ean (osteguna) Beasainen izan ginen. Beasaingo patroiaren eguna da otsailaren 5a, Loinazko San Martin. Beasain odolkiaren sehaska izaki, eguneko protagonista nagusienetako bat izan zen. Eguneko egitaraua mardula izan zen eta odolkiaren ondoren kantua ere protagonista izatea lortu genuen.





Bertan izaten ditugun jarraitzaileak fidelak izaten dira eta azkenengo honetan ere ez ziguten hutsik egin. Kalean 2 orduko saiotxoa izan zen eta ederki lagundurik sentitu ginen.


Eguneko informazioa:
Goierriko Hitza
DV Beasain

Zerbait esateko baduzue esan azpiko "comentarios" atalean mesedez